|
Савет Мiнiстраў
Рэспублiкi Беларусь
ПАСТАНОВА
2 мая 1997 г. N 418
г.Мiнск
АБ ЗАЦВЯРДЖЭННI ПАЛАЖЭННЯ АБ ДЗЯРЖАЎНЫМ ВЫШЭЙШЫМ
АТЭСТАЦЫЙНЫМ КАМIТЭЦЕ РЭСПУБЛIКI БЕЛАРУСЬ
===
_______________________________________________ _______ ___ _
Постановление утратило силу постановлением Совета Министров
Республики Беларусь от 29 октября 2001 г. N 1556
(Национальный реестр правовых актов Республики Беларусь,
2001 г., N 103, 5/9280)
Савет Мiнiстраў Рэспублiкi Беларусь ПАСТАНАЎЛЯЕ:
1. Зацвердзiць прыкладзенае Палажэнне аб Дзяржаўным вышэйшым
атэстацыйным камiтэце Рэспублiкi Беларусь.
2. Прызнаць страцiўшымi сiлу:
пастанову Кабiнета Мiнiстраў Рэспублiкi Беларусь ад 12 лютага
1996 г. N 94 "Аб зацвярджэннi Палажэння аб Вышэйшым атэстацыйным
камiтэце Рэспублiкi Беларусь i забеспячэннi дзейнасцi гэтага
Камiтэта" (Збор указаў Прэзiдэнта i пастаноў Кабiнета Мiнiстраў
Рэспублiкi Беларусь, 1996 г., N 5, арт.122);
абзац другi пункта 1 пастановы Кабiнета Мiнiстраў Рэспублiкi
Беларусь ад 31 лiпеня 1996 г. N 499 "Аб зацвярджэннi складу пленума
i прэзiдыума Вышэйшага атэстацыйнага камiтэта Рэспублiкi Беларусь"
(Збор указаў Прэзiдэнта i пастаноў Кабiнета Мiнiстраў Рэспублiкi
Беларусь, 1996 г., N 21, арт.533).
Прэм'ер-мiнiстр
Рэспублiкi Беларусь С.Лiнг
ЗАЦВЕРДЖАНА
Пастанова Савета Мiнiстраў
Рэспублiкi Беларусь
02.05.1997 N 418
ПАЛАЖЭННЕ
аб Дзяржаўным вышэйшым атэстацыйным
камiтэце Рэспублiкi Беларусь
1. Дзяржаўны вышэйшы атэстацыйны камiтэт Рэспублiкi Беларусь
(далей - ВАК Беларусi) з'яўляецца рэспублiканскiм органам
дзяржаўнага кiравання, якi праводзiць дзяржаўную палiтыку,
ажыццяўляе рэгуляванне i кiраванне ў сферы падрыхтоўкi i атэстацыi
навуковых i навукова-педагагiчных работнiкаў вышэйшай квалiфiкацыi.
2. ВАК Беларусi ў сваёй дзейнасцi кiруецца заканадаўствам
Рэспублiкi Беларусь, дадзеным Палажэннем i падпарадкоўваецца Савету
Мiнiстраў Рэспублiкi Беларусь.
3. Асноўнымi задачамi ВАК Беларусi з'яўляюцца:
забеспячэнне функцыянавання нацыянальнай сiстэмы падрыхтоўкi i
атэстацыi навуковых i навукова-педагагiчных работнiкаў вышэйшай
квалiфiкацыi;
каардынацыя дзейнасцi рэспублiканскiх органаў дзяржаўнага
кiравання, Акадэмii навук Беларусi, Акадэмii аграрных навук,
навуковых арганiзацый i вышэйшых навучальных устаноў у частцы
падрыхтоўкi i атэстацыi навуковых i навукова-педагагiчных работнiкаў
вышэйшай квалiфiкацыi;
забеспячэнне адзiных патрабаванняў да ўзроўню навуковай i
навукова-педагагiчнай квалiфiкацыi суiскальнiкаў вучоных ступеняў i
вучоных званняў;
ажыццяўленне кантролю за выкананнем заканадаўства Рэспублiкi
Беларусь у галiне падрыхтоўкi i атэстацыi навуковых i
навукова-педагагiчных кадраў вышэйшай квалiфiкацыi;
развiццё мiжнароднага супрацоўнiцтва ў галiне падрыхтоўкi i
атэстацыi навуковых i навукова-педагагiчных работнiкаў вышэйшай
квалiфiкацыi.
4. ВАК Беларусi ў адпаведнасцi з ускладзенымi на яго задачамi:
аналiзуе стан i прагназуе развiццё нацыянальнай сiстэмы
падрыхтоўкi i атэстацыi навуковых i навукова-педагагiчных работнiкаў
вышэйшай квалiфiкацыi, прымае меры па яе ўдасканаленню;
прымае ўдзел у распрацоўцы прагнозаў сацыяльна-эканамiчнага
развiцця дзяржавы ў частцы забеспячэння кадрамi вышэйшай навуковай i
навукова-педагагiчнай квалiфiкацыi;
удзельнiчае ў вызначэннi прыярытэтных напрамкаў развiцця
навуковых даследаванняў;
распрацоўвае i зацвярджае ва ўстаноўленым парадку наменклатуру
спецыяльнасцей, па якiх прысуджаюцца вучоныя ступенi доктара навук i
кандыдата навук, а таксама пералiк спецыяльнасцей, па якiх
прысвойваюцца вучоныя званнi прафесара i дацэнта ў Рэспублiцы
Беларусь;
устанаўлiвае сумесна з зацiкаўленымi рэспублiканскiмi органамi
дзяржаўнага кiравання парадак падрыхтоўкi навуковых кадраў вышэйшай
квалiфiкацыi праз аспiрантуру, ад'юнктуру, дактарантуру i
суiскальнiцтва;
стварае, рэарганiзоўвае i лiквiдуе экспертныя саветы ВАК
Беларусi;
зацвярджае склад саветаў па абароне дысертацый, што ствараюцца
пры вышэйшых навучальных установах, навуковых арганiзацыях
рэспублiкi, незалежна ад iх падпарадкаванасцi i форм уласнасцi, i
праводзiць iх рэгiстрацыю;
разглядае хадайнiцтвы саветаў па абароне дысертацый аб
прысуджэннi вучонай ступенi доктара навук i прымае па iх рашэннi;
разглядае ва ўстаноўленым парадку атэстацыйныя справы
суiскальнiкаў вучонай ступенi кандыдата навук i зацвярджае рашэннi
саветаў па абароне дысертацый аб прысуджэннi вучонай ступенi
кандыдата навук;
разглядае хадайнiцтвы саветаў арганiзацый аб прысваеннi вучоных
званняў прафесара, дацэнта i прымае па iх рашэннi;
ажыццяўляе ва ўстаноўленым парадку настрыфiкацыю
(прыраўноўванне) выдадзеных у iншых дзяржавах дакументаў аб
прысуджэннi вучоных ступеняў i прысваеннi вучоных званняў;
устанаўлiвае парадак правядзення пераатэстацыi асоб, якiя маюць
вучоныя ступенi i вучоныя званнi iншых дзяржаў, i праводзiць яе;
зацвярджае апiсанне нацыянальных дыпломаў доктара навук i
кандыдата навук, атэстатаў прафесара i дацэнта, устанаўлiвае парадак
выдачы гэтых i iншых дакументаў;
вядзе ўлiк абароненых у рэспублiцы дысертацый, праводзiць iх
рэгулярны аналiз i штогод прадстаўляе Савету Мiнiстраў Рэспублiкi
Беларусь адпаведную справаздачу;
стварае банкi даных аб навуковых i навукова-педагагiчных
работнiках вышэйшай квалiфiкацыi;
забяспечвае выданне iнфармацыйных матэрыялаў па падрыхтоўцы i
атэстацыi навуковых i навукова-педагагiчных работнiкаў вышэйшай
квалiфiкацыi i вынiках дысертацыйных даследаванняў;
абменьваецца ва ўстаноўленым парадку матэрыяламi па пытаннях
падрыхтоўкi i атэстацыi навуковых i навукова-педагагiчных работнiкаў
вышэйшай квалiфiкацыi з адпаведнымi органамi iншых дзяржаў;
разглядае звароты юрыдычных асоб i асобных грамадзян па
пытаннях падрыхтоўкi i атэстацыi навуковых i навукова-педагагiчных
работнiкаў вышэйшай квалiфiкацыi, прымае па iх рашэннi;
фiнансуе ва ўстаноўленым парадку выдаткi саветаў па абароне
дысертацый, створаных пры ўстановах i арганiзацыях, незалежна ад iх
падпарадкаванасцi, звязаныя з прысуджэннем вучоных ступеняў,
кантралюе выкарыстанне iмi гэтых фiнансавых сродкаў;
складае зводную справаздачу аб расходаваннi сродкаў,
прадугледжаных у рэспублiканскiм бюджэце для фiнансавання
мерапрыемстваў, звязаных з прысуджэннем вучоных ступеняў i
прысваеннем вучоных званняў;
арганiзоўвае захоўванне i здачу ў Дзяржаўны архiў атэстацыйных
спраў па прысуджэнню вучоных ступеняў i прысваенню вучоных званняў;
можа выконваць iншыя функцыi, прадугледжаныя дзеючым
заканадаўствам.
5. ВАК Беларусi ў межах сваёй кампетэнцыi мае права:
запытваць i атрымлiваць ва ўстаноўленым парадку ад
рэспублiканскiх органаў дзяржаўнага кiравання, iншых юрыдычных асоб
iнфармацыю па пытаннях падрыхтоўкi i атэстацыi навуковых i
навукова-педагагiчных кадраў вышэйшай квалiфiкацыi;
кантраляваць дзейнасць аспiрантур, ад'юнктур, дактарантур i
органаў па прысуджэнню вучоных ступеняў i прысваенню вучоных
званняў, створаных пры (у) арганiзацыях, незалежна ад iх
падпарадкаванасцi i форм уласнасцi;
адмяняць рашэннi саветаў па абароне дысертацый па прысуджэнню
вучонай ступенi кандыдата навук;
вырашаць у неабходных выпадках ва ўстаноўленым парадку пытаннi
аб пазбаўленнi саветаў па абароне дысертацый i саветаў арганiзацый
паўнамоцтваў у частцы прысуджэння вучоных ступеняў i прысваення
вучоных званняў;
пазбаўляць ва ўстаноўленым парадку навуковых i
навукова-педагагiчных работнiкаў i iншых асоб вучоных ступеняў i
вучоных званняў, аднаўляць вучоныя ступенi i вучоныя званнi асобам,
якiя неабгрунтавана былi пазбаўлены гэтых ступеняў i званняў;
праводзiць мiжнародныя i рэспублiканскiя кангрэсы, канферэнцыi,
нарады, семiнары i iншыя мерапрыемствы па пытаннях падрыхтоўкi i
атэстацыi навуковых i навукова-педагагiчных работнiкаў вышэйшай
квалiфiкацыi;
заахвочваць работнiкаў за значныя дасягненнi ў галiне
падрыхтоўкi i атэстацыi навуковых i навукова-педагагiчных кадраў
вышэйшай квалiфiкацыi.
6. ВАК Беларусi прымае ва ўстаноўленым парадку нарматыўныя акты
па пытаннях падрыхтоўкi i атэстацыi навуковых i
навукова-педагагiчных работнiкаў вышэйшай квалiфiкацыi, абавязковыя
для выканання ўсiмi юрыдычнымi i фiзiчнымi асобамi. У выпадку
неабходнасцi такiя акты могуць прымацца сумесна з iншымi
рэспублiканскiмi органамi дзяржаўнага кiравання.
7. ВАК Беларусi ўзначальвае Старшыня, якi назначаецца на пасаду
i вызваляецца ад пасады Прэзiдэнтам Рэспублiкi Беларусь. Старшыня
мае намеснiкаў i галоўнага вучонага сакратара. Колькасць намеснiкаў
Старшынi вызначаецца Прэзiдэнтам Рэспублiкi Беларусь. Намеснiкi
Старшынi, галоўны вучоны сакратар назначаюцца на пасаду i
вызваляюцца ад пасады ва ўстаноўленым парадку.
На пасады Старшынi, намеснiкаў Старшынi, галоўнага вучонага
сакратара ВАК Беларусi назначаюцца асобы, якiя маюць вучоную ступень
доктара навук.
Старшыня:
кiруе дзейнасцю ВАК Беларусi i нясе персанальную адказнасць за
выкананне ўскладзеных на яго функцый;
размяркоўвае абавязкi памiж намеснiкамi Старшынi i галоўным
вучоным сакратаром, кiраўнiкамi структурных падраздзяленняў
цэнтральнага апарату ВАК Беларусi;
зацвярджае рэгламент прэзiдыума ВАК Беларусi;
зацвярджае структуру i штатны расклад работнiкаў цэнтральнага
апарату ў межах колькасцi i вызначаных ва ўстаноўленым парадку
сродкаў на яго ўтрыманне, а таксама палажэннi аб структурных
падраздзяленнях цэнтральнага апарату ВАК Беларусi;
у адпаведнасцi з дзеючым заканадаўствам прымае на работу i
звальняе з работы работнiкаў цэнтральнага апарату.
8. Прэзiдыум ВАК Беларусi з'яўляецца яго галоўным
навукова-атэстацыйным органам.
Персанальны склад i колькасць членаў прэзiдыума ВАК Беларусi
зацвярджаецца Саветам Мiнiстраў Рэспублiкi Беларусь па прадстаўленню
ВАК Беларусi. У яго склад уваходзяць Старшыня (старшыня прэзiдыума),
намеснiкi Старшынi, галоўны вучоны сакратар па пасадзе, вядомыя
вучоныя i навукова-педагагiчныя работнiкi.
9. У ВАК Беларусi ствараецца калегiя ў складзе Старшынi
(старшыня калегii), намеснiкаў Старшынi, галоўнага вучонага
сакратара (па пасадзе), iншых работнiкаў гэтага Камiтэта. Колькасць
i персанальны склад калегii зацвярджаецца Саветам Мiнiстраў
Рэспублiкi Беларусь.
Калегiя ВАК Беларусi разглядае на сваiх пасяджэннях пытаннi
дзейнасцi ВАК Беларусi. Яна можа заслухоўваць iнфармацыю адказных
супрацоўнiкаў мiнiстэрстваў i iншых рэспублiканскiх органаў
дзяржаўнага кiравання, справаздачы кiраўнiкоў вышэйшых навучальных
устаноў, навуковых арганiзацый, старшыняў экспертных саветаў i
саветаў па абароне дысертацый па пытаннях падрыхтоўкi i атэстацыi
навуковых i навукова-педагагiчных кадраў вышэйшай квалiфiкацыi.
Рашэннi калегii праводзяцца ў жыццё загадамi Старшынi ВАК
Беларусi. У выпадках рознагалоссяў памiж Старшынёй i членамi калегii
Старшыня праводзiць сваё рашэнне, аб чым паведамляе Савету Мiнiстраў
Рэспублiкi Беларусь. Члены калегii, у сваю чаргу, могуць паведамляць
сваё меркаванне Савету Мiнiстраў Рэспублiкi Беларусь.
10. Для правядзення навуковай экспертызы дысертацый, разгляду
хадайнiцтваў аб прысуджэннi вучоных ступеняў, прысваеннi вучоных
званняў i iншых пытанняў, аднесеных да кампетэнцыi ВАК Беларусi,
ствараюцца экспертныя саветы па спецыяльнасцях i галiнах навук.
Экспертныя саветы фармiруюцца з улiкам прапаноў Акадэмii навук
Беларусi, Акадэмii аграрных навук, мiнiстэрстваў, iншых
рэспублiканскiх органаў дзяржаўнага кiравання, прадпрыемстваў,
устаноў i арганiзацый рэспублiкi, незалежна ад iх падпарадкаванасцi.
11. Дзейнасць ВАК Беларусi фiнансуецца са сродкаў
рэспублiканскага бюджэту.
Аплата працы членаў прэзiдыума ВАК Беларусi, якiя не з'яўляюцца
работнiкамi цэнтральнага апарату ВАК Беларусi, членаў экспертных
саветаў ВАК Беларусi, членаў саветаў па абароне дысертацый,
апанентаў i экспертаў ажыццяўляецца ва ўстаноўленым парадку.
12. ВАК Беларусi з'яўляецца юрыдычнай асобай, мае пячатку з
выявай Дзяржаўнага герба Рэспублiкi Беларусь i са сваiм найменнем.
|
