ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
11 красавіка 2008 г. № 14
АБ РЭСПУБЛІКАНСКІМ ФЕСТЫВАЛІ-КІРМАШЫ РАМЁСТВАЎ
«ВЯСНОВЫ БУКЕТ»
На падставе Палажэння аб парадку арганізацыі і правядзення
фестываляў на тэрыторыі Рэспублікі Беларусь, фінансуемых з
рэспубліканскага і (або) мясцовых бюджэтаў, зацверджанага пастановай
Савета Міністраў Рэспублікі Беларусь ад 18 красавіка 2006 г. № 521,
Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзенае Палажэнне аб Рэспубліканскім
фестывалі-кірмашы рамёстваў «Вясновы букет».
Міністр У.Ф.Матвейчук
УЗГОДНЕНА
Першы намеснік старшыні
Мінскага гарадскога
выканаўчага камітэта
А.Я.Кунцэвіч
04.04.2008
ЗАЦВЕРДЖАНА
Пастанова
Міністэрства культуры
Рэспублікі Беларусь
11.04.2008 № 14
ПАЛАЖЭННЕ
аб Рэспубліканскім фестывалі-кірмашы рамёстваў «Вясновы букет»
1. Палажэнне аб Рэспубліканскім фестывалі-кірмашы рамёстваў
«Вясновы букет» (далей - Палажэнне) устанаўлівае парадак
арганізацыі, падрыхтоўкі і правядзення Рэспубліканскага фестывалю-
кірмашу рамёстваў «Вясновы букет» (далей - фестываль-кірмаш).
2. Фестываль-кірмаш праводзіцца Міністэрствам культуры
Рэспублікі Беларусь (далей - Міністэрства культуры), Мінскім
гарадскім выканаўчым камітэтам, грамадскім аб’яднаннем «Беларускі
Саюз майстроў народнай творчасці».
3. Фестываль-кірмаш праводзіцца ў мэтах падтрымкі народнай
творчасці і народных промыслаў (рамёстваў), выяўлення сучаснага
стану і перспектыў развіцця народнага мастацтва, народных промыслаў
і рамёстваў Беларусі, аднаўлення рэдкіх і забытых відаў традыцыйных
рамёстваў, стымулявання іх развіцця, дэманстрацыі творчага
патэнцыялу майстроў традыцыйных відаў рамёстваў, павышэння
сацыяльнага і творчага статусу народных майстроў, папулярызацыі
народных мастацкіх рамёстваў і промыслаў.
4. Фестываль-кірмаш мае статус рэспубліканскага і
прадугледжвае ўдзел творчых дэлегацый ад усіх абласцей, г. Мінска з
магчымым запрашэннем замежных удзельнікаў.
5. Перыядычнасць правядзення фестывалю-кірмашу - адзін раз у
год. Канкрэтныя тэрміны яго правядзення зацвярджаюцца Міністэрствам
культуры па ўзгадненні з Мінскім гарадскім выканаўчым камітэтам.
6. Месцам правядзення фестывалю-кірмашу з’яўляюцца арганізацыі
культуры, сцэнічныя і спецыяльна абсталяваныя пляцоўкі г. Мінска,
якія адпавядаюць неабходным патрабаванням выставачнай і канцэртнай
дзейнасці і садзейнічаюць вырашэнню мастацкіх задач фестывалю-
кірмашу.
7. Кіраўніцтва па падрыхтоўцы і правядзенню фестывалю-кірмашу
ажыццяўляе арганізацыйны камітэт фестывалю-кірмашу (далей -
аргкамітэт), склад якога зацвярджаецца Міністэрствам культуры.
8. Аргкамітэт:
8.1. уносіць у Міністэрства культуры прапановы па каштарысу
выдаткаў на арганізацыю і правядзенне фестывалю-кірмашу;
8.2. разглядае і зацвярджае:
склад рэжысёрска-пастановачнай группы фестывалю-кірмашу;
спіс удзельнікаў фестывалю-кірмашу;
праграму правядзення фестывалю-кірмашу;
сімволіку, узоры ўзнагарод, іншую атрыбутыку фестывалю-
кірмашу;
план мерапрыемстваў па падрыхтоўцы і правядзенні фестывалю-
кірмашу;
8.3. вызначае віды і формы інфармацыйна-рэкламнай падтрымкі
фестывалю-кірмашу;
8.4. вырашае іншыя пытанні, звязаныя з падрыхтоўкай і
правядзеннем фестывалю-кірмашу.
9. Рэжысёрска-пастановачная група фестывалю-кірмашу:
9.1. уносіць на разгляд аргкамітэта прапановы па стварэнні
агульнай канцэпцыі правядзення фестывалю-кірмашу;
9.2. распрацоўвае сцэнарыі фестывальных мерапрыемстваў;
9.3. праводзіць рэжысерска-пастановачныя і рэпетыцыйныя
работы.
10. Арганізацыя падрыхтоўкі і правядзення выстаўкі-кірмашу
ўскладаецца на дырэкцыю фестывалю-кірмашу, функцыі якой выконвае
грамадскае аб’яднанне «Беларускі Саюз майстроў народнай творчасці».
11. У фестывалі-кірмашы прымаюць удзел майстры народнага
дэкаратыўна-прыкладнога мастацтва грамадскага аб’яднання «Беларускі
Саюз майстроў народнай творчасці», дамоў і цэнтраў рамёстваў,
дзіцячых школ мастацтваў і іншых устаноў культуры, якія пастаянна ці
перыядычна займаюцца тым ці іншым відам народнага дэкаратыўна-
прыкладнога мастацтва i рамяства.
12. Для ўдзелу ў фестывалі-кірмашы дасылаюцца заяўкі ў тэрмін,
вызначаны аргкамітэтам, на адрас грамадскага аб’яднання «Беларускі
Саюз майстроў народнай творчасці».
13. Заяўка на ўдзел у фестывалі-кірмашы павінна змяшчаць
прозвішча, імя, імя па бацьку майстра народнага дэкаратыўна-
прыкладнога мастацтва, яго год нараджэння, месца працы, тэлефон.
14. Да заяўкі дадаюцца:
творчая інфармацыя аб майстры народнага дэкаратыўна-
прыкладнога мастацтва;
поўны спіс вырабаў народных мастацкіх рамёстваў і промыслаў,
якія будуць дэманстравацца на фестывалі-кірмашы;
не менш за тры фотаздымкі майстра ў нацыянальным касцюме і яго
вырабаў памерам 10 х 15 см, якія павінны быць зроблены на фоне
прыроды ці народнай архітэктуры, у працэсе выканання твора.
15. Пералічаныя ў пунктах 13 і 14 гэтага Палажэння дакументы
рыхтуюцца на беларускай мове і дасылаюцца ў двух экзэмплярах - адзін
экзэмпляр у друкаваным выглядзе і адзін экзэмпляр у электронным
выглядзе (тэкст - Microsoft Word, Times New Roman, 15, фотаздымкі -
фармат jpg, jpeg, tiff, не менш 800 х 600).
16. Склад удзельнікаў фестывалю-кірмашу фарміруецца з улікам
прапаноў грамадскага аб’яднання «Беларускі Саюз майстроў народнай
творчасці», вызначаецца аргкамітэтам пасля папярэдняга разгляду
дасланых заявак на падставе дадзенага Палажэння і пацвярджаецца
афіцыйным запрашэннем аргкамітэта.
17. Агульная колькасць удзельнікаў фестывалю-кірмашу
вызначаецца аргкамітэтам.
18. У час правядзення фестывалю-кірмашу ўдзельнікі фестывалю-
кірмашу павінны мець пры сабе калекцыю творчых работ для арганізацыі
выстаўкі-продажу, а таксама сыравіну, матэрыялы, нарыхтоўкі,
паўфабрыкаты, інструменты і прыстасаванні для правядзення майстар-
класаў, дэманстрацыі творчых працэсаў і рамесніцкіх прыёмаў.
19. Праграма фестывалю-кірмашу прадугледжвае выстаўкі работ
народных мастацкіх рамёстваў і промыслаў, майстар-класы майстроў
народнага дэкаратыўна-прыкладнога мастацтва, конкурсыя праграмы,
канцэртныя выступленні аўтэнтычных фальклорных і аматарскіх
калектываў мастацкай творчасці, тэатралізаваныя дзеянні і гульнёва-
забаўляльныя мерапрыемствы, правядзенне тэарэтычна-практычных
паседжанняў (канферэнцый, дыскусій) па пытаннях аднаўлення,
захавання, пераемнасці і папулярызацыі традыцый народнага мастацтва,
дэманстрацыю іншых відаў і напрамкаў творчай дзейнасці, якія не
супярэчаць мэтам выстаўкі-кірмашу.
20. Асноўную частку праграмы фестывалю-кірмашу складае конкурс
сярод майстроў народнага дэкаратыўна-прыкладнога мастацтва (далей -
конкурс), які складаецца з двух частак:
першая частка - конкурс работ народнага дэкаратыўна-
прыкладнога мастацтва з прадстаўленнем майстрамі калекцый уласных
творчых работ;
другая частка - майстар-класы па стварэнні работ народнага
дэкаратыўна-прыкладнога мастацтва з дэманстрацыяй творчых працэсаў і
рамесніцкіх прыёмаў выканання творчай работы (адной ці некалькіх).
21. Конкурс праводзіцца па наступных намінацыях:
«лепшая калекцыя выставачных работ фестывалю-кірмашу»;
«пляценне з прыродных матэрыялаў» (саломы, лазы, лыка, лучыны
і іншых);
«мастацкая апрацоўка дрэва»;
«ганчарства і гліняная пластыка»;
«кавальства»;
«ткацтва і вышыўка»;
«выцінанка»;
«бісерапляценне»;
іншыя віды народнага мастацтва, народных промыслаў i
рамёстваў.
22. Конкурс ацэньвае экспертная камісія, склад якой
зацвярджаецца аргкамітэтам.
23. Пры падвядзенні вынікаў конкурсу экспертная камісія
ўлічвае:
мастацкае і тэхналагічнае майстэрства ўдзельнікаў конкурсу,
пачуццё меры, мастацкі ўзровень і дасканаласць тэхнікі гатовых работ
і выкананых у час правядзення майстар-класаў;
выкарыстанне ў работах народных традыцый, іх тактоўную
інтэрпрэтацыю ў адпаведнасці з сучаснымі ўмовамі;
даступнасць і нагляднасць дэманстрацыі тэхналагічных і творчых
працэсаў у час правядзення майстар-класаў;
эфектыўнасць і выніковасць правядзення майстар-класаў.
24. Выбар тэмы, відаў і характару работ, якія дэманструюцца на
выстаўцы-кірмашы ці вырабляюцца ў час конкурсу, не абмяжоўваецца.
Адзіным патрабаваннем да ўсіх работ, якія дэманструюцца на выстаўцы-
кірмашы ці вырабляюцца ў час конкурсу, з’яўляюцца іх прамыя або
апасродкаваныя адносіны да традыцый пэўнага віду народнага
дэкаратыўна-прыкладнога мастацтва, народных промыслаў i рамёстваў.
25. Па выніках правядзення конкурсу на падставе рашэння
экспертнай камісіі ўдзельнікам фестывалю-кірмашу ўручаюцца
спецыяльныя дыпломы і грашовыя прызы.
26. У мэтах заахвочвання ўдзельнікаў конкурсу засноўваюцца:
дзесяць грашовых прызоў у намінацыі «лепшая калекцыя
выставачных работ фестывалю-кірмашу»;
па аднаму грашоваму прызу першай ступені, два - другой ступені
і тры - трэцяй ступені ў кожнай з намінацый, вызначаных у пункце 21
гэтага Палажэння, за выключэннем намінацыі «лепшая калекцыя
выставачных работ фестывалю-кірмашу».
27. Памер грашовых прызоў зацвярджаецца аргкамітэтам у межах
агульнай сметы на падрыхтоўку і правядзенне фестывалю-кірмашу.
28. Аргкамітэт мае права ўносіць змяненні ў пералік намінацый
конкурсу.
29. Журы мае права прымаць рашэнне не заахвочваць удзельнікаў
конкурсу па некаторым намінацыям і відам заахвочвання.
30. Фінансаванне падрыхтоўкі і правядзення фестывалю-кірмашу
ажыццяўляецца ў адпаведнасці з заканадаўствам Рэспублікі Беларусь.
|
