РАШЭННЕ АШМЯНСКАГА РАЁННАГА ВЫКАНАЎЧАГА КАМІТЭТА
27 сакавіка 2007 г. № 110
АБ ЗАЦВЯРДЖЭННІ ПАЛАЖЭННЯ АБ АДДЗЕЛЕ КУЛЬТУРЫ
АШМЯНСКАГА РАЁННАГА ВЫКАНАЎЧАГА КАМІТЭТА
Ашмянскі раённы выканаўчы камітэт РАШЫЎ:
1. Зацвердзіць Палажэнне аб аддзеле культуры Ашмянскага
раённага выканаўчага камітэта (дадаецца).
2. Лічыць страціўшым сілу:
рашэнне Ашмянскага раённага выканаўчага камітэта ад 15 мая
2002 г. № 340 «Аб Палажэнні аб аддзеле культуры Ашмянскага раённага
выканаўчага камітэта»;
рашэнне Ашмянскага раённага выканаўчага камітэта ад 29
лістапада 2002 г. № 868 «Аб унясенні дапаўненняў у Палажэнне аб
аддзеле культуры Ашмянскага раённага выканаўчага камітэта».
Старшыня Ю.У.Адамчык
Кіраўнік спраў Г.І.Пішчык
ЗАЦВЕРДЖАНА
Рашэнне
Ашмянскага раённага
выканаўчага камітэта
27.03.2007 № 110
ПАЛАЖЭННЕ
аб аддзеле культуры Ашмянскага раённага выканаўчага камітэта
ГЛАВА 1
АГУЛЬНЫЯ ПАЛАЖЭННІ
1. Аддзел культуры Ашмянскага раённага выканаўчага камітэта
(далей - аддзел) з’яўляецца структурным падраздзяленнем Ашмянскага
раённага выканаўчага камітэта (далей - райвыканкам).
Аддзел у сваёй дзейнасці падпарадкоўваецца райвыканкаму, нясе
адказнасць за выкананне ўскладзеных на яго задач, арганізацыю і
вынікі работы падведамных яму структур. Па пытаннях галіновай
дзейнасці аддзел падпарадкоўваецца ўпраўленню культуры Гродзенскага
абласнога выканаўчага камітэта (далей - аблвыканкам).
2. Аддзел каардынуе дзейнасць арганізацый культуры і мастацтва
раёна, супрацоўнічае ў межах сваёй кампетэнцыі з грамадскімі
аб’яднаннямі, іншымі юрыдычнымі, а таксама фізічнымі асобамі.
У веданні аддзела знаходзяцца арганізацыі культуры і мастацтва
камунальнай уласнасці раёна.
3. У структуру аддзела ўваходзіць:
апарат упраўлення;
цэнтралізаваная бухгалтэрыя;
гаспадарчая група.
Падведамнымі структурамі аддзела з’яўляюцца:
Ашмянскі раённы Дом культуры;
Ашмянская раённая цэнтралізаваная бібліятэчная сістэма;
Ашмянскі раённы краязнаўчы музей імя Ф.Багушэвіча;
Ашмянская дзіцячая школа мастацтваў;
Гальшанская дзіцячая школа мастацтваў;
Палянскі сельскі Дом народнай творчасці і рамёстваў;
сельскія дамы культуры і клубы;
сельскія клубы-бібліятэкі;
бібліятэка-клуб.
4. Аддзел у сваёй дзейнасці кіруецца Канстытуцыяй Рэспублікі
Беларусь, заканадаўчымі актамі Рэспублікі Беларусь, іншымі
нарматыўнымі прававымі актамі і дадзеным Палажэннем аб аддзеле
культуры Ашмянскага раённага выканаўчага камітэта.
5. Аддзел з’яўляецца юрыдычнай асобай, мае адасобленую
маёмасць, самастойны баланс, разліковы і пазабюджэтны рахункі ва
ўстанове банка, пячатку з выявай Дзяржаўнага герба Рэспублікі
Беларусь, вуглавы штамп са сваім найменнем.
6. Поўнае найменне:
на беларускай мове - аддзел культуры Ашмянскага раённага
выканаўчага камітэта;
на рускай мове - отдел культуры Ошмянского районного
исполнительного комитета.
7. Месца знаходжання аддзела: 231100, г. Ашмяны, вул.
Савецкая, 103.
ГЛАВА 2
АСНОЎНЫЯ МЭТЫ І ЗАДАЧЫ АДДЗЕЛА
8. Асноўнымі мэтамі аддзела з’яўляюцца:
рэалізацыя на тэрыторыі раёна дзяржаўнай культурнай палітыкі з
улікам мясцовых умоў, асаблівасцей і традыцый;
стварэнне ўмоў для актыўнай культурнай дзейнасці насельніцтва;
стварэнне ўмоў для далучэння грамадзян да нацыянальнай і
сусветнай культурнай спадчыны;
аператыўнае і шырокае інфармаванне насельніцтва раёна па
пытаннях сацыяльна-эканамічнага, грамадска-палітычнага і культурнага
развіцця Рэспублікі Беларусь.
9. У адпаведнасці з мэтамі дзейнасці аддзел рэалізуе наступныя
задачы:
ажыццяўленне арганізацыйна-метадычнага, фінансавага,
матэрыяльнага, гаспадарчага забеспячэння дзейнасці падведамных
арганізацый культуры і мастацтва;
павышэнне ролі арганізацый культуры і мастацтва ў эстэтычным
выхаванні падрастаючага пакалення, павышэнне культурнага ўзроўню і
ўдасканаленне формаў арганізацыі правядзення вольнага часу
насельніцтва, развіццё народнай творчасці і мастацкай самадзейнасці;
павышэнне эфектыўнасці арганізатарскай работы арганізацый
культуры і мастацтва, далейшая дэмакратызацыя іх дзейнасці шляхам
арганізацыі аператыўнай зваротнай сувязі з працоўнымі калектывамі
арганізацый, а таксама з насельніцтвам па месцы жыхарства;
распрацоўка і ажыццяўленне мер па тэхнічным перааснашчэнні і
развіцці матэрыяльнай базы арганізацый культуры і мастацтва,
забеспячэнне іх кваліфікаванымі кадрамі;
правядзенне дзяржаўнай палітыкі па ахове гісторыка-культурнай
спадчыны.
ГЛАВА 3
ФУНКЦЫІ АДДЗЕЛА
10. Аддзел у адпаведнасці з ускладзенымі на яго задачамі
ажыццяўляе кіраўніцтва падведамнымі арганізацыямі культуры і
мастацтва.
11. Аддзел выконвае наступныя функцыі:
ажыццяўляе меры па выяўленні, уліку, забеспячэнні аховы і
зберажэнні гістарычна-культурных каштоўнасцей і іх выкарыстанні ў
мэтах фарміравання ў грамадзян павагі да культурнай спадчыны;
распрацоўвае метадычныя рэкамендацыі па кірунках і змесце
дзейнасці для падведамных арганізацый культуры і мастацтва на аснове
прыярытэтаў у развіцці культурнай дзейнасці насельніцтва;
арганізуе эстэтычную (мастацкую) адукацыю і асвету грамадзян
раёна;
садзейнічае распаўсюджванню і папулярызацыі сярод насельніцтва
раёна твораў мастацтва, арганізуе правядзенне культурна-масавых
мерапрыемстваў;
дапамагае стварэнню і дзейнасці аб’яднанняў самадзейнай
творчасці насельніцтва, творчым работнікам і народным майстрам у
прадастаўленні ім на спрыяльных умовах памяшканняў, майстэрняў,
матэрыялаў, абсталявання для творча-вытворчай работы па стварэнні
твораў мастацтва;
забяспечвае падведамныя арганізацыі культуры і мастацтва
кваліфікаванымі кадрамі, арганізуе і стымулюе бесперапынную адукацыю
кадраў, стварае ўмовы для павышэння кваліфікацыі і перападрыхтоўкі
кіраўнікоў і спецыялістаў, арганізуе атэстацыю работнікаў
падведамных арганізацый культуры і мастацтва;
арганізуе фінансаванне арганізацый культуры і мастацтва,
культурнага абслугоўвання насельніцтва раёна на аснове гарантаваных
бюджэтных асігнаванняў;
каардынуе дзейнасць падведамных арганізацый культуры і
мастацтва па пошуку пазабюджэтных крыніц фінансавання;
арганізуе матэрыяльна-тэхнічнае забеспячэнне падведамных
арганізацый культуры і мастацтва, у тым ліку культурна-асветных і
пазашкольных устаноў, якія займаюцца мастацка-выхаваўчай работай з
дзецьмі;
удзельнічае ў распрацоўцы праектаў і планаў сацыяльна-
эканамічнага і навукова-тэхнічнага развіцця культуры і мастацтва і
забяспечвае іх выкананне;
арганізуе ўлік і справаздачу на падведамных арганізацыях
культуры і мастацтва, складае зводныя бухгалтарскія справаздачы і
балансы;
арганізуе работу з прапановамі, заявамі і скаргамі грамадзян,
накіраванымі ў аддзел, якія тычацца дзейнасці падведамных
арганізацый культуры і мастацтва;
прымае меры па паляпшэнні і аздараўленні ўмоў працы работнікаў
на падведамных арганізацыях культуры і мастацтва, па забеспячэнні
выканання правіл тэхнікі бяспекі і вытворчай санітарыі, а таксама
пажарнай бяспекі;
ажыццяўляе іншыя функцыі, прадугледжаныя заканадаўствам
Рэспублікі Беларусь.
ГЛАВА 4
КІРАЎНІЦТВА АДДЗЕЛАМ
12. Аддзел узначальвае начальнік, які прызначаецца на пасаду і
звальняецца з пасады старшынёй райвыканкама па ўзгадненні з
упраўленнем культуры аблвыканкама.
13. Начальнік:
кіруе дзейнасцю аддзела і нясе персанальную адказнасць за
выкананне ўскладзеных на яго задач;
прымае на работу і звальняе з работы ў адпаведнасці з
заканадаўствам Рэспублікі Беларусь работнікаў аддзела і кіраўнікоў
падведамных арганізацый культуры і мастацтва;
зацвярджае і размяркоўвае службовыя абавязкі паміж
работнікамі аддзела;
ажыццяўляе кіраванне планаваннем работы;
дае ацэнку выкананню работнікамі сваіх службовых абавязкаў;
выдае ў межах сваёй кампетэнцыі загады, арганізуе і правярае
іх выкананне;
ажыццяўляе іншыя паўнамоцтвы ў адпаведнасці з заканадаўствам.
14. Структура і штаты аддзела зацвярджаюцца старшынёй
райвыканкама.
15. Для каардынацыі дзейнасці культурна-асветных устаноў і
арганізацый грамадскасці ў выпрацоўцы і рэалізацыі культурнай
палітыкі ў раёне пры аддзеле можа стварацца грамадскі савет з ліку
работнікаў падведамных арганізацый культуры і мастацтва і
прадстаўнікоў грамадскасці раёна, склад якога зацвярджае начальнік
аддзела.
|
