МIНIСТЭРСТВА АДУКАЦЫI I НАВУКI РЭСПУБЛIКI БЕЛАРУСЬ
ЗАГАД
23 марта 1995 г. N 100
г. Мiнск
АБ ЗАЦВЯРДЖЭННI ПАЛАЖЭННЯ АБ ПРАВЯДЗЕННI
СУБЯСЕДАВАННЯ ЗАМЕСТ УСТУПНЫХ ЭКЗАМЕНАЎ
ПРЫ ПРЫЁМЕ Ў ВЫШЭЙШЫЯ НАВУЧАЛЬНЫЯ ЎСТАНОВЫ
РЭСПУБЛIКI БЕЛАРУСЬ
У мэтах далейшага ўдасканалення работы па арганiзацыi i
правядзенню прыёму ў вышэйшыя навучальныя ўстановы
ЗАГАДВАЮ:
1. Зацвердзiць Палажэнне аб правядзеннi субяседавання замест
уступных экзаменаў пры прыёме ў вышэйшыя навучальныя ўстановы
Рэспублiкi Беларусь (дадаецца).
2. Рэктарам вышэйшых навучальных устаноў рэспублiкi незалежна
ад ведамаснай прыналежнасцi i форм уласнасцi кiравацца дадзеным
Палажэннем пры правядзеннi прыёму.
3. Указанае Палажэнне ўвесцi ў дзеянне з моманту ўнясення яго ў
Рэестр Дзяржаўнай рэгiстрацыi Мiнiстэрства юстыцыi Рэспублiкi
Беларусь i яго афiцыйнага апублiкавання.
4. Кантроль за выкананнем загаду ўскласцi на намеснiка мiнiстра
Т.Я.Галко.
Мiнiстр В.I.Стражаў
Дадатак
да загада Мiнiстра адукацыi
i навукi Рэспублiкi Беларусь
ад 23 сакавiка 1995 г.
N 100
ПАЛАЖЭННЕ
аб правядзеннi субяседавання замест уступных экзаменаў
пры прыёме ў вышэйшыя навучальныя ўстановы
Рэспублiкi Беларусь
===
I. Агульныя палажэннi
1.1. У мэтах выяўлення ўзроўня ведаў абiтурыентаў, а таксама
схiльнасцяў да навучання па адпаведнай спецыяльнасцi, ВНУ маюць
права ў асобных выпадках замест уступных экзаменаў праводзiць
субяседаванне.
1.2. Права на субяседаванне замест уступных экзаменаў маюць
катэгорыi абiтурыентаў, якiя вызначаюцца вышэйшымi навучальнымi
ўстановамi.
1.3. Спецыяльнасцi i формы навучання, па якiх можа ажыццяўляцца
прыём па вынiках субяседавання, вызначаюць ВНУ i адлюстроўваюць у
правiлах прыёму.
II. Парадак правядзення субяседавання
2.1. Субяседаванне праводзiцца ў адзiн дзень па прадметах
уступных экзаменаў цi спецыяльных дысцыплiнах, якiя вызначаюцца
вышэйшай навучальнай установай у адпаведнасцi з абранай
спецыяльнасцю.
2.2. Пытаннi i заданнi для правядзення субяседавання складаюцца
экзаменацыйнымi камiсiямi ў адпаведнасцi з праграмамi ўступных
экзаменаў (па агульнаадукацыйных дысцыплiнах) i вучэбнымi праграмамi
сярэднiх спецыяльных навучальных устаноў (па спецыяльных
дысцыплiнах) i па свайму характару не павiнны патрабаваць часу на
падрыхтоўку.
2.3. Субяседаванне праводзiцца камiсiяй, у якую ўваходзяць па
два экзаменатары па кожнай дысцыплiне, i якую ўзначальвае член
прыёмнай камiсii ВНУ.
2.4. Абiтурыенту прапануецца 5 пытанняў па кожнай дысцыплiне,
якiя ацэньваюцца баламi ад 0 да 5.
2.5. Асобы, якiя атрымалi 0 балаў па аднаму з прадметаў, да
ўдзелу ў конкурсе не дапускаюцца.
2.6. Пытаннi абiтурыентам i адказы на iх фiксуюцца ў лiстах
вуснага адказу (форма N 12).
2.7. Вынiкi субяседавання па дысцыплiнах адлюстроўваюцца ў
лiстах вуснага адказу i экзаменацыйных лiстах, падпiсваюцца членамi
камiсii, якая праводзiла субяседаванне.
2.8. Субяседаванне праводзiцца не пазней, чым за два днi да
пачатку ўступных экзаменаў у ВНУ.
2.9. Апеляцыя падаецца абiтурыентам у дзень правядзення
субяседавання i разглядаецца ва ўстаноўленым парадку.
III. Парадак залiчэння па вынiках субяседавання
3.1. Залiчэнне ў склад студэнтаў па вынiках субяседавання
ажыццяўляецца да пачатку ўступных экзаменаў.
3.2. Залiчэнне праводзiцца на конкурснай аснове ў адпаведнасцi
з сумай балаў, атрыманых на субяседаваннi па ўсiх дысцыплiнах, i
колькасцю месц.
3.3. Пры роўнай колькасцi балаў праводзiцца ў адпаведнасцi з
прыярытэтамi, вызначанымi прыёмнай камiсiяй ВНУ.
3.4. Асобы, якiя не залiчаны па вынiках субяседавання, маюць
права здаваць уступныя экзамены i ўдзельнiчаць у конкурсе на
агульных падставах.
3.5. Лiсты вуснага адказу захоўваюцца ў асабовых справах
абiтурыентаў.
_______________________
Дзяржаўная рэгiстрацыя.
Нумар: 802/12.
Дата: 24.03.95 г.
|
