ЗАГАД МІНІСТЭРСТВА АХОВЫ ЗДАРОЎЯ РЭСПУБЛІКІ БЕЛАРУСЬ
11 сакавіка 1994 г. № 76
Для паляпшэння якасці падрыхтоўкі сярэдніх медыцынскіх
работнікаў, з мэтай далейшага пераходу да падрыхтоўкі фельчараў і
акушэрак ЗАГАДВАЮ:
1. Зацвердзіць Часовае палажэнне аб пераводзе на навучанне па
спецыяльнасцях 0401 «Лячэбная справа» і 0402 «Акушэрская справа»
(дадатак).
2. Прыступіць да падрыхтоўкі фельчараў і акушэрак на IV курсе
па новых навучальных планах з 1 верасня 1994 г.
3. Кантроль за выкананнем гэтага загада ўскласці на начальніка
галоўнага ўпраўлення кадраў, навукі і знешніх сувязей Шыла У.У.
Міністр В.С.Казакоў
Дадатак
да загаду
Міністэрства аховы здароўя
Рэспублікі Беларусь
11.03.1994 № 76
ЧАСОВАЕ ПАЛАЖЭННЕ
аб пераводзе на навучанне па спецыяльнасцях «Лячэбная справа» і
«Акушэрская справа»
1. Агульныя палажэнні.
1.1. План падрыхтоўкі спецыялістаў для атрымання кваліфікацыі
фельчара, акушэркі даводзіцца да медвучылішчаў галоўным упраўленнем
кадраў, навукі і знешніх сузязей на падставе папярэдняга аналізу
заявак органаў аховы здароўя.
1.2. Медыцынскім вучылішчам даецца права самастойна прымаць да
10 % навучэнцаў ад даведзенага плана для падрыхтоўкі па
спецыяльнасцях «Лячэбная справа», «Акушэрская справа» з ліку
выпускнікоў мінулых гадоў, якія набылі спецыяльнасць 0408
«Сястрынская справа».
2. Перавод з ІІІ курса на IV для атрымання кваліфікацыі
фельчара, акушэркі праводзіцца па заявам навучэнцаў на конкурснай
аснове пасля завяршэння праграмы навучання па спецыяльнасці
«Сястрынская справа» і здачы дзяржаўных экзаменаў.
2.2. Пры наяўнасці конкурса сярод навучэнцаў для атрымання
кваліфікацыі фельчара ці акушэркі перавод ажыццяўляецца па выніках
семестравых экзаменаў і дыферэнцыраваных залікаў за ўвесь перыяд
навучання.
2.3. Перавага пры адборы навучэнцаў для атрымання кваліфікацыі
фельчара ці акушэркі аддаецца тым з іх, хто атрымаў найбольшы
сярэдні бал. Пры роўнасці сярэдніх балаў перавага аддаецца тым
навучэнцам, якія маюць больш высокія адзнакі па прафіліруючых
прадметах, жыхарам сельскай мясцовасці ці жадаючым працаваць у
сельскай мясцовасці юнакам.
Улічваюцца пры адборы таксама арганізацыйныя здольнасці, удзел
у грамадскім жыцці вучылішча, здольнасць да клінічнага мышлення.
2.4. Навучэнцам ІІІ курса па спецыяльнасці «Сястрынская
справа», якія не прайшлі па конкурсу для атрымання кваліфікацыі
фельчара ці акушэркі, выдаецца дыплом устаноўленага ўзору з
прысваеннем кваліфікацыі медыцынскай сястры.
2.5. Рашэнне аб пераводзе прымаецца педагагічным саветам,
афармляецца пратаколам паседжання педагагічнага савета і загадам
дырэктара.
2.6. Навучэнцы, якія прайшлі конкурсны адбор для атрымання
кваліфікацыі фельчара ці акушэркі, працягваюць навучанне на IV
курсе.
Пасля паспяховага завяршэння праграмы навучання па
спецыяльнасці «Лячэбная справа», «Акушэрская справа» і здачы
дзяржаўных экзаменаў выпускнікам выдаецца толькі адзін дыплом
устаноўленага ўзору з прысваеннем кваліфікацыі фельчара ці акушэркі.
|
