Решение Гродненского областного Совета депутатов от 10.03.1995 N 222 "Аб парадку распараджэння абласным выканаўчым камiтэтам камунальнай уласнасцю"
Документ утратил силу
Архив ноябрь 2011 года
<< Назад |
<<< Навигация Содержание
У адпаведнасцi з Законам Рэспублiкi Беларусь "Аб мясцовым кiраваннi i самакiраваннi ў Рэспублiцы Беларусь" для размежавання функцый памiж абласным Саветам i абласным выканаўчым камiтэтам па распараджэнню i кiраванню камунальнай уласнасцю i ў мэтах аператыўнага рашэння пытанняў па рэфармаванню ўласнасцi (арт.8, 18, 28) абласны Савет дэпутатаў РАШЫЎ:
1. Надзялiць абласны выканаўчы камiтэт правам ажыццяўляць усе аперацыi па распараджэнню камунальнай уласнасцю абласнога ўзроўню пры арганiзацыi кiравання ёю, перадачы ў карыстанне i валоданне, здачы ў арэнду, пераўтварэння з дзяржаўных форм у калектыўную i прыватную, а таксама размежавання ўласнасцi па ўзроўнях кiравання.
Пры гэтым пытаннi прыватызацыi, адчужэння, перадачы ў валоданне i карыстанне, здачы ў арэнду помнiкаў культуры, запаведных зон, культурна-асветнiцкiх, тэатральна-вiдовiшчных i знаходзячыхся ў веданнi абласных ведамстваў i служб адмiнiстратыўных будынкаў (памяшканняў) вырашаюцца ў адпаведным парадку па ўзгадненнi са старшынёй абласнога Савета дэпутатаў.
2. Надзялiць Гродзенскi абласны камiтэт па кiраванню дзяржаўнай маёмасцю i прыватызацыi правам:
- ажыццяўляць аперацыi, звязаныя з правядзеннем прыватызацыi аб'ектау камунальнай уласнасцi абласнога ўзроўню кiравання;
- выдаваць загады па пераўтварэнню дзяржаўных прадпрыемстваў абласнога ўзроўню кiравання ў акцыянерныя таварыствы, зацвярджаць статуты, заключаць дагаворы-даручэннi з дырэкцыяй акцыянерных таварыстваў на прадажу i абмен акцый, зацвярджаць рашэннi аб выпуску акцый, пералiк асоб, якiя маюць права i якiя набылi акцыi на iльготных умовах;
- заключаць дагаворы пры ажыццяўленнi пагадненняў куплi-продажу аб'ектаў камунальнай уласнасцi абласнога ўзроўню кiравання;
- узгадняць дагаворы на арэнду будынкаў i памяшканняў;
- выдаваць пасведчаннi аб рэгiстрацыi ў Рэестры маёмасцi, якое знаходзiцца ў камунальнай уласнасцi абласнога ўзроўню кiравання.
3. Абласному выканаўчаму камiтэту штогод iнфармаваць абласны Савет дэпутатаў аб выкананнi зацверджанага парадку распараджэння камунальнай уласнасцю абласнога ўзроўню.
4. Рашэнне абласнога Савета N 109 ад 7 мая 1992 года лiчыць страцiўшым сiлу.
Старшыня абласнога Савета С.М.ДОМАШ
Право Беларуси 2009 карта новых документов |