"Пагадненне памiж Мiнiстэрствам культуры Рэспублiкi Беларусь i Мiнiстэрствам культуры i тэлерадыёвяшчання Туркменiстана аб супрацоўнiцтве ў галiне культуры"
Архив ноябрь 2011 года
<< Назад |
<<< Навигация Содержание
--------------------------------
<*> Вступило в силу 18 июня 2009 года.
Мiнiстэрства культуры Рэспублiкi Беларусь i Мiнiстэрства культуры i тэлерадыёвяшчання Туркменiстана, у далейшым названыя Бакамi,
упэўненыя, што культурнае супрацоўнiцтва садзейнiчае ўмацаванню ўзаемаразумення памiж народамi i развiццю дружалюбных адносiн,
кiруючыся iмкненнем развiваць i ўдасканальваць узаемавыгаднае супрацоўнiцтва ў галiне культуры i мастацтва,
дамовiлiся аб нiжэйпададзеным:
Артыкул 1
Бакi будуць iмкнуцца да стварэння спрыяльных умоў для двухбаковага супрацоўнiцтва ў галiне культуры i мастацтва.
Артыкул 2
Бакi будуць садзейнiчаць устанаўленню i развiццю кантактаў у галiне музычнага мастацтва памiж канцэртнымi арганiзацыямi i творчымi саюзамi, абмену салiстамi i калектывамi, спрыяць узаемнаму ўдзелу ў мiжнародных конкурсах i фестывалях, якiя праводзяцца на терыторыi сваiх краiн.
Артыкул 3
Бакi будуць падтрымлiваць прамыя кантакты памiж драматычнымi, лялечнымi i iншымi тэатрамi абодвух Бакоў шляхам арганiзацыi гастроляў i выступленняў тэатральных калектываў i асобных выканаўцаў, а таксама ўдзелу ў тэатральных фестывалях.
Артыкул 4
Бакi будуць падтрымлiваць прамое супрацоўнiцтва памiж музеямi, галерэямi Беларусi i Туркменiстана, садзейнiчаць абмену спецыялiстамi ў галiне музейнай справы, а таксама абменьвацца даведачнымi матэрыяламi i iнфармацыяй аб навуковых канферэнцыях i семiнарах па пытаннях музейнай справы.
Бакi на ўзаемнай аснове будуць садзейнiчаць арганiзацыi музейных выставак i выставак сучаснага мастацтва. Умовы, час i месца правядзення выставак будуць вызначацца арганiзатарамi выстаўкi ў кожным канкрэтным выпадку.
Артыкул 5
Бакi будуць заахвочваць устанаўленне прамых сувязей памiж бiблiятэкамi дзвюх краiн, уключаючы абмен лiтаратурай, друкаванымi выданнямi i спецыялiстамi ў галiне бiблiятэчнай справы.
Бакi будуць садзейнiчаць удзелу спецыялiстаў у семiнарах i навукова-практычных канферэнцыях, абмену кнiжнымi выстаўкамi, метадычнымi i бiблiяграфiчнымi матэрыяламi.
Артыкул 6
Бакi будуць падтрымлiваць прамое супрацоўнiцтва ў галiне кiнавiдэамастацтва, уключаючы ўдзел у мiжнародных кiнафестывалях, абмен iнфармацыяй, рэкламнымi матэрыяламi, часопiсамi i iншымi публiкацыямi ў гэтай галiне.
Бакi будуць iмкнуцца да стварэння спрыяльных умоў для супрацоўнiцтва памiж арганiзацыямi кiнематаграфii Беларусi i Туркменiстана.
Артыкул 7
Бакi будуць супрацоўнiчаць у галiне адукацыi ў сферы культуры i мастацтва i садзейнiчаць устанаўленню прамых сувязей памiж навучальнымi ўстановамi ў гэтай галiне.
Бакi будуць садзейнiчаць удзелу студэнтаў i навучэнцаў навучальных устаноў у сферы культуры i мастацтва ў мiжнародных конкурсах i фестывалях, якiя праводзяцца ў абедзвюх краiнах.
Артыкул 8
Бакi будуць падтрымлiваць супрацоўнiцтва ў галiне аховы i рэстаўрацыi аб'ектаў гiсторыка-культурнай спадчыны i садзейнiчаць абмену спецыялiстамi з мэтай азнаямлення з вопытам работы ў гэтай галiне.
Артыкул 9
Бакi будуць супрацоўнiчаць ў галiне народнай творчасцi, садзейнiчаць абмену спецыялiстамi ў гэтай галiне, а таксама на ўзаемнай аснове запрашаць фальклорныя калектывы для ўдзелу ў мiжнародных фальклорных фестывалях, якiя праводзяцца ў абедзвюх краiнах.
Артыкул 10
Бакi дамовiлiся, што культурны абмен у рамках гэтага Пагаднення будзе ажыццяўляцца згодна з адпаведнымi палажэннямi заканадаўства Бакоў i наступнымi ўмовамi.
Пры абмене дэлегацыямi, калектывамi i прадстаўнiкамi:
накiроўваючы Бок аплачвае выдаткi па праезду сваiх прадстаўнiкоў, транспарцiроўцы неабходнага вытворчага багажу ў абодва бакi;
прымаючы Бок аплачвае выдаткi па пражыванню i харчаванню, а таксама транспартныя выдаткi на тэрыторыi краiны прымаючага Боку ў адпаведнасцi з праграмай знаходжання.
Артыкул 11
Гэта Пагадненне не выключае магчымасцi арганiзацыi i правядзення iншых мерапрыемстваў, якiя адпавядаюць мэтам гэтага Пагаднення, па узаемнай дамоўленасцi Бакоў.
Артыкул 12
Па ўзаемнай згодзе Бакоў у гэта Пагадненне могуць быць унесены змяненнi i дапаўненнi ў пiсьмовай форме, якiя будуць з'яўляцца яго неад'емнай часткай.
Артыкул 13
Гэта Пагадненне ўступае ў сiлу з дня падпiсання i дзейнiчае на працягу пяцi гадоў. Яго дзеянне будзе аўтаматычна працягвацца на наступныя пяцiгадовыя перыяды, калi нi адзiн з Бакоў у пiсьмовай форме не паведамiць iншаму Боку за шэсць месяцаў да заканчэння дзеяння Пагаднення аб сваiм намеры спынiць яго дзеянне.
Здзейснена ў горадзе Ашгабаце 18 чэрвеня 2009 г. у двух экзэмплярах на беларускай, туркменскай i рускай мовах, прычым усе тэксты маюць аднолькавую сiлу.
За Мiнiстэрства культуры За Мiнiстэрства культуры
Рэспублiкi Беларусь i тэлерадыёвяшчання Туркменiстана
Подпiс Подпiс
Право Беларуси 2009 карта новых документов | 
