"Пратакол аб супрацоўнiцтве памiж Мiнiстэрствам культуры Рэспублiкi Беларусь i Мiнiстэрствам культуры Кiтайскай Народнай Рэспублiкi на 2007 - 2011 гады"
Архив ноябрь 2011 года
<< Назад |
<<< Навигация Содержание
--------------------------------
<*> Вступил в силу 5 ноября 2007 года.
Мiнiстэрства культуры Рэспублiкi Беларусь i Мiнiстэрства культуры Кiтайскай Народнай Рэспублiкi, названыя далей Бакамi,
засноўваючыся на Пагадненнi аб культурным супрацоўнiцтве памiж Урадам Рэспублiкi Беларусь i Урадам Кiтайскай Народнай Рэспублiкi ад 25 лiстапада 1992 года,
кiруючыся iмкненнем да ўмацавання ўзаемаразумення i дружбы памiж народамi Рэспублiкi Беларусь i Кiтайскай Народнай Рэспублiкi, супрацоўнiцтва ў галiне культуры,
заключылi гэты Пратакол аб нiжэйпададзеным:
Артыкул 1
На працягу дзеяння гэтага Пратакола Бакi арганiзуюць i правядуць на ўзаемнай аснове адзiн раз пачаргова Днi культуры Рэспублiкi Беларусь у Кiтайскай Народнай Рэспублiцы i Днi культуры Кiтайскай Народнай Рэспублiкi ў Рэспублiцы Беларусь.
Канкрэтныя тэрмiны правядзення Дзён культуры, парадак правядзення i ўмовы будуць узгадняцца Бакамi дадаткова.
Артыкул 2
Бакi будуць супрацоўнiчаць у галiне музейнай справы i выставачнай дзейнасцi, садзейнiчаць прамому супрацоўнiцтву памiж музеямi дзвюх краiн i абмену выстаўкамi сучаснага выяўленчага мастацтва i музейнымi выстаўкамi.
На працягу дзеяння гэтага Пратакола Бакi ажыццявяць абмен дэлегацыямi музейных работнiкаў у складзе да пяцi (5) чалавек тэрмiнам да пяцi (5) дзён з мэтай абмену вопытам.
Артыкул 3
Бакi на ўзаемнай аснове будуць запрашаць спецыялiстаў другой краiны для ўдзелу ў навуковых канферэнцыях i семiнарах у галiне культуры i мастацтва.
Артыкул 4
Бакi будуць садзейнiчаць удзелу музычных калектываў i выканаўцаў Беларусi i Кiтая ў музычных фестывалях i конкурсах, якiя праводзяцца на тэрыторыi дзвюх краiн, устанаўленню i развiццю кантактаў у галiне музычнага мастацтва памiж канцэртнымi арганiзацыямi i творчымi саюзамi.
Артыкул 5
Бакi будуць заахвочваць развiццё прамых сувязей памiж бiблiятэкамi дзвюх краiн, уключаючы абмен лiтаратурай, друкаванымi выданнямi i спецыялiстамi ў галiне бiблiятэчнай справы.
Артыкул 6
Бакi будуць садзейнiчаць супрацоўнiцтву ў галiне народнай творчасцi i заахвочваць развiццё прамых сувязей памiж аматарскiмi калектывамi абедзвюх краiн.
Артыкул 7
Бакi будуць спрыяць развiццю супрацоўнiцтва ў галiне культуры i мастацтва на рэгiянальным узроўнi.
Артыкул 8
Бакi дамовiлiся, што культурны абмен у рамках гэтага Пратакола будзе ажыццяўляцца згодна з адпаведнымi палажэннямi заканадаўства дзяржаў Бакоў i наступнымi ўмовамi.
Пры абмене дэлегацыямi, калектывамi мастацкай творчасцi:
накiроўваючы Бок аплачвае мiжнародны праезд i перавозку рэквiзiту i багажу ў абодва бакi;
прымаючы Бок аплачвае выдаткi па пражыванню ў гасцiнiцы, харчаванне i транспарт на тэрыторыi сваёй краiны, забяспечвае культурную праграму, прадастаўляе паслугi перакладчыкаў;
прымаючы Бок бярэ на сябе выдаткi па перавозцы рэквiзiту на тэрыторыi сваёй краiны.
Пры абмене выстаўкамi:
накiроўваючы Бок аплачвае мiжнародную перавозку, забяспечвае рэкламнымi матэрыяламi i каталогамi;
прымаючы Бок забяспечвае мантаж i дэмантаж выстаўкi i захаванасць экспанатаў, перавозку па тэрыторыi сваёй краiны;
накiроўваючы Бок аплачвае мiжнародны праезд асоб, суправаджаючых выстаўку, членаў дэлегацыi, якiя прымаюць удзел у цырымонii адкрыцця;
прымаючы Бок бярэ на сябе выдаткi па пражыванню, харчаванню i транспарту на тэрыторыi сваёй краiны.
Iншыя ўмовы арганiзацыi i правядзення мерапрыемстваў, у тым лiку страхоўка экспанатаў, могуць быць агавораны Бакамi дадаткова ў кожным канкрэтным выпадку.
Артыкул 9
У выпадку дамоўленасцi памiж двума Бакамi могуць ажыццяўляцца iншыя культурныя мерапрыемствы, якiя адпавядаюць мэтам гэтага Пратакола.
Артыкул 10
Гэты Пратакол уступае ў сiлу з дня падпiсання i дзейнiчае да 31 снежня 2011 года.
Здзейснена ў горадзе Мiнску 5 лiстапада 2007 года ў двух экзэмплярах, кожны на беларускай i кiтайскай мовах, прычым абодва тэксты маюць аднолькавую сiлу.
За Мiнiстэрства культуры За Мiнiстэрства культуры
Рэспублiкi Беларусь Кiтайскай Народнай Рэспублiкi
Подпiс Подпiс
Законы Украины 2009 карта новых документов | 
