Постановление Совета Министров Республики Беларусь от 03.08.2006 N 998 "Аб зацвярджэннi Палажэння аб парадку работы наведвальнiкаў музеяў з музейнымi прадметамi i (або) музейнымi калекцыямi"
Архив ноябрь 2011 года
<< Назад |
<<< Навигация Содержание
У адпаведнасцi з артыкулам 5 Закона Рэспублiкi Беларусь ад 12 снежня 2005 года "Аб музеях i Музейным фондзе Рэспублiкi Беларусь" Савет Мiнiстраў Рэспублiкi Беларусь ПАСТАНАЎЛЯЕ:
1. Зацвердзiць прыкладзенае Палажэнне аб парадку работы наведвальнiкаў музеяў з музейнымi прадметамi i (або) музейнымi калекцыямi.
2. Дадзеная пастанова ўступае ў сiлу праз 10 дзён пасля яе афiцыйнага апублiкавання.
Прэм'ер-мiнiстр Рэспублiкi Беларусь С.СIДОРСКI
ЗАЦВЕРДЖАНА
Пастанова
Савета Мiнiстраў
Рэспублiкi Беларусь
03.08.2006 N 998
ПАЛАЖЭННЕ АБ ПАРАДКУ РАБОТЫ НАВЕДВАЛЬНIКАЎ МУЗЕЯЎ З МУЗЕЙНЫМI ПРАДМЕТАМI I (АБО) МУЗЕЙНЫМI КАЛЕКЦЫЯМI
1. Дадзенае Палажэнне распрацавана ў адпаведнасцi з Законам Рэспублiкi Беларусь ад 12 снежня 2005 года "Аб музеях i Музейным фондзе Рэспублiкi Беларусь" (Национальный реестр правовых актов Республики Беларусь, 2005 г., N 197, 2/1167) i ўстанаўлiвае парадак доступу да музейных фондаў, работы з музейнымi прадметамi i (або) музейнымi калекцыямi.
2. Дадзенае Палажэнне з'яўляецца абавязковым для ўсiх дзяржаўных музеяў, а таксама для прыватных музеяў у дачыненнi да музейных прадметаў i (або) музейных калекцый, уключаных у Музейны фонд Рэспублiкi Беларусь, а таксама распаўсюджваецца на музейныя прадметы i (або) музейныя калекцыi прыватных музеяў, якiя не ўключаны ў Музейны фонд Рэспублiкi Беларусь, у выпадку, калi iншы парадак не ўстаноўлены ўласнiкам музея.
3. Музейныя прадметы i (або) музейныя калекцыi з'яўляюцца даступнымi для вiзуальнага агляду наведвальнiкаў музеяў падчас iх наведвання музейных экспазiцый i выставак.
4. Дакладная iнфармацыя аб усiх музейных прадметах i (або) музейных калекцыях, уключаных у Музейны фонд Рэспублiкi Беларусь, рэгiструецца ў Дзяржаўным каталогу Музейнага фонду Рэспублiкi Беларусь i з'яўляецца даступнай для наведвальнiкаў музеяў у парадку, устаноўленым Палажэннем аб Музейным фондзе Рэспублiкi Беларусь.
5. Работа наведвальнiкаў музеяў з музейнымi прадметамi i (або) музейнымi калекцыямi, што знаходзяцца ў фондасховiшчах музеяў, ажыццяўляецца на падставе пiсьмовай заявы, у якой указваецца дакладная i аргументаваная мэта работы, i пiсьмовага дазволу кiраўнiка музея.
6. Пры наяўнасцi страхавых копiй любых iснуючых фарматаў музейных прадметаў, якiя ўяўляюць аўтэнтычныя формы пiсьменнасцi i выяўленчага мастацтва (дакументы, рукапiсы, старадрукаваныя выданнi, фотадакументы, графiка i iншыя), у мэтах iх найлепшага захавання дадзеныя музейныя прадметы з фондасховiшчаў музеяў для работы наведвальнiкам музеяў не выдаюцца. Наведвальнiкi музеяў карыстаюцца iх страхавымi копiямi.
7. Музей арганiзуе работу наведвальнiкаў музеяў з музейнымi прадметамi i (або) музейнымi калекцыямi ў асобных цi службовых памяшканнях i ў прысутнасцi музейнага работнiка.
Работа наведвальнiкаў музеяў з музейнымi прадметамi i (або) музейнымi калекцыямi ў фондасховiшчах музеяў не дапускаецца, за выключэннем выпадкаў, калi музейныя прадметы маюць вялiкiя памеры (скульптура, транспартныя сродкi, побытавыя рэчы i iншыя).
8. У мэтах забеспячэння захаванасцi музейных прадметаў i (або) музейных калекцый i выключэння магчымых негатыўных уздзеянняў на iх доступ да работы з музейнымi прадметамi i (або) музейнымi калекцыямi, якiя знаходзяцца ў фондасховiшчах музеяў, можа быць абмежаваны, калi:
8.1. музейны прадмет i (або) музейная калекцыя маюць нездавальняючы стан захаванасцi;
8.2. адкрыты доступ да музейнага прадмета i (або) музейнай калекцыi пагражае iх захаванасцi;
8.3. музейны прадмет i (або) музейная калекцыя знаходзяцца ў працэсе кансервацыi цi рэстаўрацыi;
8.4. музейны прадмет i (або) музейная калекцыя знаходзяцца ў працэсе тэхнiчнага афармлення, навуковых даследаванняў музейных работнiкаў;
8.5. музейны прадмет i (або) музейная калекцыя з'яўляюцца асаблiва каштоўнымi формамi пiсьменнасцi або выяўленчага мастацтва (дакументы, рукапiсы, старадрукаваныя выданнi, фотадакументы, графiка i iншыя) i не маюць страхавых копiй;
8.6. музейныя прадметы i (або) музейныя калекцыi знаходзяцца на спецыяльным улiку, парадак якога вызначаецца Мiнiстэрствам культуры;
8.7. музейныя прадметы i (або) музейныя калекцыi маюць статус гiсторыка-культурных каштоўнасцей i ўключаны ў Дзяржаўны спiс гiсторыка-культурных каштоўнасцей Рэспублiкi Беларусь.
9. Доступ да iнфармацыi, якая змяшчаецца ў друкаваных i электронных каталогах музеяў, за выключэннем iнфармацыi ў дакументах спецыяльнага ўлiку, а таксама iнфармацыi аб асобах, якiя здалi ў музей музейныя прадметы i (або) музейныя калекцыi, з'яўляецца адкрытым.
10. Iнфармацыя аб паходжаннi, кошце, дакладным месцазнаходжаннi музейных прадметаў i (або) музейных калекцый, зафiксаваная ва ўлiковай дакументацыi музея, з'яўляецца службовай, i доступ да яе абмежаваны.
11. Наведвальнiкi музеяў, якiя атрымалi доступ да музейных прадметаў i (або) музейных калекцый, абавязаны зарэгiстравацца ў спецыяльным журнале рэгiстрацыi наведвальнiкаў музея i азнаёмiцца з правiламi работы наведвальнiкаў музеяў з музейнымi прадметамi i (або) музейнымi калекцыямi.
12. Унутрымузейныя правiлы работы наведвальнiкаў музеяў з музейнымi прадметамi i (або) музейнымi калекцыямi, якiя зацвярджаюцца кiраўнiком музея i размяшчаюцца ў даступным месцы (iнфармацыйным стэндзе цi табло), распрацоўваюцца на падставе дадзенага Палажэння.
13. Публiкацыя выяў музейных прадметаў i (або) музейных калекцый i выкарыстанне iнфармацыi аб iх ажыццяўляюцца толькi з дазволу музея.
Выраб выяўленчай, друкаванай, сувенiрнай i iншай тыражаванай прадукцыi i вытворчасць тавараў народнага спажывання з выкарыстаннем выяў музейных прадметаў i (або) музейных калекцый, будынкаў музеяў, аб'ектаў, размешчаных на тэрыторыях музеяў, у тым лiку з выкарыстаннем iх найменняў i сiмволiкi, ажыццяўляюцца толькi з дазволу музеяў.
14. Наведвальнiкi музеяў, якiя дапусцiлi пашкоджанне цi страту музейных прадметаў i (або) музейных калекцый, нясуць адмiнiстрацыйную, крымiнальную i iншую адказнасць у адпаведнасцi з заканадаўствам.
Право Беларуси 2009 карта новых документов | 
