Леваневский Валерий Законодательство Беларуси 2011 год
Загрузить Adobe Flash Player

  Главная

  Законодательство РБ

  Кодексы Беларуси

  Законодательные и нормативные акты по дате принятия

  Законодательные и нормативные акты принятые различными органами власти

  Законодательные и нормативные акты по темам

  Законодательные и нормативные акты по виду документы

  Международное право в Беларуси

  Законодательство СССР

  Законы других стран

  Кодексы

  Законодательство РФ

  Право Украины

  Полезные ресурсы

  Контакты

  Новости сайта

  Поиск документа


Полезные ресурсы

- Таможенный кодекс таможенного союза

- Каталог предприятий и организаций СНГ

- Законодательство Республики Беларусь по темам

- Законодательство Республики Беларусь по дате принятия

- Законодательство Республики Беларусь по органу принятия

- Законы Республики Беларусь

- Новости законодательства Беларуси

- Тюрьмы Беларуси

- Законодательство России

- Деловая Украина

- Автомобильный портал

- The legislation of the Great Britain


Правовые новости





Постановление Совета Министров Республики Беларусь от 22.05.2002 N 651 "Аб зацвярджэннi Палажэння аб ахове археалагiчных аб'ектаў пры правядзеннi земляных i будаўнiчых работ"

Архив ноябрь 2011 года

<< Назад | <<< Навигация

Содержание



У мэтах далейшага ўдасканалення дзяржаўнага ўлiку, аховы, выкарыстання i прапаганды археалагiчнай спадчыны Савет Мiнiстраў Рэспублiкi Беларусь ПАСТАНАЎЛЯЕ:

1. Зацвердзiць Палажэнне аб ахове археалагiчных аб'ектаў пры правядзеннi земляных i будаўнiчых работ (прыкладаецца).

2. Кантроль за выкананнем патрабаванняў Палажэння аб ахове археалагiчных аб'ектаў пры правядзеннi земляных i будаўнiчых работ ускласцi на Мiнiстэрства культуры.

3. Рэспублiканскiм органам дзяржаўнага кiравання ў двухмесячны тэрмiн прыняць меры па прывядзенню сваiх нарматыўных прававых актаў у адпаведнасць з дадзенай пастановай.


Прэм'ер-мiнiстр Рэспублiкi Беларусь Г.НАВIЦКI


                                                 ЗАЦВЕРДЖАНА
                                                 Пастанова
                                                 Савета Мiнiстраў
                                                 Рэспублiкi Беларусь
                                                 22.05.2002 N 651

ПАЛАЖЭННЕ АБ АХОВЕ АРХЕАЛАГIЧНЫХ АБ'ЕКТАЎ ПРЫ ПРАВЯДЗЕННI ЗЕМЛЯНЫХ I БУДАЎНIЧЫХ РАБОТ


Агульныя палажэннi


1. Дадзенае Палажэнне вызначае склад i парадак ажыццяўлення дзяржаўнымi органамi, юрыдычнымi i фiзiчнымi асобамi абавязковых мер па ахове археалагiчных аб'ектаў пры правядзеннi земляных i будаўнiчых работ з мэтай выкарыстання археалагiчных аб'ектаў у iнтарэсах гуманiтарнай адукацыi, навукi i культуры, а таксама развiцця чалавечай асобы.

Асобы, вiнаватыя ў невыкананнi правiлаў па ахове археалагiчных аб'ектаў, нясуць адказнасць у адпаведнасцi з заканадаўствам Рэспублiкi Беларусь.

2. У дадзеным Палажэннi прымяняюцца наступныя асноўныя тэрмiны:

археалагiчныя аб'екты - матэрыяльныя аб'екты цi iх комплексы, якiя ўзнiклi ў вынiку жыццядзейнасцi чалавека ад яго з'яўлення да перыяду новай гiсторыi i выяўлены на аснове спецыяльных археалагiчных метадаў. Да матэрыяльных аб'ектаў для мэт прызнання археалагiчным аб'ектам адносяцца ў прыватнасцi ўмацаваныя старажытныя паселiшчы (гарадзiшчы, гарады, замкi) i неўмацаваныя старажытныя паселiшчы (стаянкi, селiшчы), могiльнiкi (курганныя i грунтавыя), асобныя пахаваннi, рэшткi старажытных умацаванняў i вытворчых комплексаў (шахты, майстэрнi, металургiчныя печы), транспартныя шляхi, культавыя аб'екты (свяцiлiшчы, святыя месцы, каменныя крыжы i камянi з выявамi i надпiсамi), рэчавыя i манетныя скарбы, асобныя старажытныя рэчы, культурны пласт гiстарычных частак населеных пунктаў i сакральных аб'ектаў;

земляныя i будаўнiчыя работы - будаўнiчы працэс, якi ўключае распрацоўку (выемку) грунту, яго перамяшчэнне i ўкладку на пэўным месцы. Да земляных i будаўнiчых работ адносяцца ў прыватнасцi пракладка нафта- i газаправодаў, камунiкацый, будаўнiцтва будынкаў, гiдратэхнiчных i iншых збудаванняў, дарог, распрацоўка кар'ераў;

тэрыторыя археалагiчнага аб'екта - зямельны ўчастак, заняты археалагiчным аб'ектам i звязаны з iм гiстарычна i функцыянальна;

зона аховы археалагiчнага аб'екта - тэрыторыя, якая непасрэдна акружае археалагiчны аб'ект, прызначаная для аховы археалагiчнага аб'екта i блiжэйшага да яго асяроддзя, а таксама мэтазгоднага выкарыстання археалагiчнага аб'екта i спрыяльнага яго ўспрыняцця;

ахова археалагiчных аб'ектаў - сiстэма арганiзацыйных, прававых i эканамiчных мер па зберажэнню археалагiчных аб'ектаў;

дазвол дзяржаўнай навуковай установы "Iнстытут гiсторыi Нацыянальнай акадэмii навук Беларусi" - дакумент, якi выдаецца дзяржаўнай навуковай установай "Iнстытут гiсторыi Нацыянальнай акадэмii навук Беларусi" ва ўстаноўленым парадку i з'яўляецца пацвярджэннем прадастаўленага Нацыянальнай акадэмiяй навук Беларусi выканаўцам права на правядзенне археалагiчных даследаванняў.

3. Дзейнасць у адносiнах да археалагiчных аб'ектаў, якiя з'яўляюцца матэрыяльнымi гiсторыка-культурнымi каштоўнасцямi, рэгулюецца Законам Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь" (Национальный реестр правовых актов Республики Беларусь, 2006 г., N 9, 2/1195) i дадзеным Палажэннем.

Характар дзейнасцi ў дачыненнi да археалагiчных аб'ектаў, якiя не з'яўляюцца матэрыяльнымi гiсторыка-культурнымi каштоўнасцямi, вызначаецца Мiнiстэрствам культуры на падставе заключэння дзяржаўнай навуковай установы "Iнстытут гiсторыi Нацыянальнай акадэмii навук Беларусi". Правядзенне земляных i будаўнiчых работ на тэрыторыi археалагiчнага аб'екта ажыццяўляецца па ўзгадненню з Мiнiстэрствам культуры.

4. Рэжым утрымання зацверджаных у праектах зон аховы археалагiчных аб'ектаў абавязковы для выканання ўсiмi юрыдычнымi i фiзiчнымi асобамi.


Распрацоўка мер па ахове археалагiчных аб'ектаў у зонах земляных i будаўнiчых работ


5. Звесткi аб археалагiчных аб'ектах, зонах аховы археалагiчных аб'ектаў уключаюцца ў склад генеральных планаў развiцця гарадоў i iншых паселiшчаў, праектаў дэтальнай планiроўкi i другiх горадабудаўнiчых праектаў, праектаў гаспадарчага развiцця тэрыторый i iншай праектнай дакументацыi з мэтай аховы археалагiчных аб'ектаў пры рэалiзацыi ўказаных планаў i праектаў. Названыя планы i праекты падлягаюць узгадненню з Мiнiстэрствам культуры.

6. Усе вiды земляных i будаўнiчых работ у зоне аховы археалагiчных аб'ектаў могуць праводзiцца толькi пасля распрацоўкi i ажыццяўлення мер па iх ахове. Меры па ахове археалагiчных аб'ектаў павiнны прадугледжвацца на ўсiх этапах перадпраектных, праектных работ i пры ўсiх вiдах будаўнiцтва аб'ектаў i пабудоў. Распрацоўка сiстэмы мер па ахове археалагiчных аб'ектаў уключаецца ў праектна-каштарысную дакументацыю на правядзенне ўсiх вiдаў земляных i будаўнiчых работ i ўзгадняецца з Мiнiстэрствам культуры.

7. Меры па ахове археалагiчных аб'ектаў павiнны прадугледжваць наступныя вiды работ:

фiксацыя ўжо вядомых археалагiчных аб'ектаў на праектным матэрыяле;

абследаванне зоны земляных i будаўнiчых работ з мэтай выяўлення няўлiчаных археалагiчных аб'ектаў, iх фiксацыя i пры неабходнасцi навуковае даследаванне.

Меры па ахове археалагiчных аб'ектаў у зоне земляных i будаўнiчых работ распрацоўваюцца арганiзацыямi, якiм выдадзены дазвол дзяржаўнай навуковай установы "Iнстытут гiсторыi Нацыянальнай акадэмii навук Беларусi" ў адпаведнасцi з дагаворамi, заключанымi дзяржаўнай навуковай установай "Iнстытут гiсторыi Нацыянальнай акадэмii навук Беларусi" з юрыдычнымi, фiзiчнымi асобамi, якiя вядуць праектаванне ў названых зонах.

8. Фiнансаванне мер па ахове археалагiчных аб'ектаў у зонах земляных i будаўнiчых работ праводзiцца юрыдычнымi i фiзiчнымi асобамi, якiя з'яўляюцца заказчыкамi праектных i будаўнiчых работ.


Меры па ахове археалагiчных аб'ектаў пры правядзеннi земляных i будаўнiчых работ


9. Меры па ахове археалагiчных аб'ектаў пры правядзеннi ўсiх вiдаў земляных i будаўнiчых работ ажыццяўляюцца ў адпаведнасцi з заканадаўствам Рэспублiкi Беларусь i прадугледжваюць:

забарону ўсiх вiдаў работ на тэрыторыi плануемага будаўнiцтва;

замену тэрыторыi будаўнiцтва;

стварэнне iнжынернай абароны археалагiчных аб'ектаў;

навуковае даследаванне археалагiчных аб'ектаў;

нагляд археолагаў за выкананнем ахоўных мер пры правядзеннi земляных, будаўнiчых i iншых работ;

кансервацыю археалагiчных аб'ектаў у складзе будаўнiчага комплексу;

iншыя меры, прадугледжаныя заканадаўствам Рэспублiкi Беларусь.

10. Мiнiстэрства культуры, а таксама археолагi, квалiфiкацыя якiх пацверджана пасведчаннем на права выканання навукова-даследчых работ на гiсторыка-культурных каштоўнасцях i кiраўнiцтва распрацоўкай навукова-праектнай дакументацыi на выкананне рэстаўрацыйна-аднаўленчых работ на гiсторыка-культурных каштоўнасцях, маюць права сваiм рашэннем прыпынiць земляныя i будаўнiчыя работы ў выпадку з'яўлення пагрозы пашкоджання цi знiшчэння археалагiчнага аб'екта.

11. Юрыдычныя i фiзiчныя асобы ў выпадку выяўлення археалагiчных аб'ектаў пры правядзеннi земляных i будаўнiчых работ павiнны паведамiць аб гэтым Мiнiстэрству культуры i прыпынiць далейшае вядзенне работ.

На падставе звароту Мiнiстэрства культуры дзяржаўная навуковая ўстанова "Iнстытут гiсторыi Нацыянальнай акадэмii навук Беларусi" дае заключэнне аб навуковай вартасцi выяўленага аб'екта i прапануе меры па яго ахове.

12. Размяшчэнне археалагiчных аб'ектаў фiксуецца ў кожным раёне краiны на раённых картах землекарыстання.

Iнфармацыя аб размяшчэннi археалагiчных аб'ектаў, якая атрымана ў ходзе правядзення земляных i будаўнiчых работ, прадстаўляецца навуковымi арганiзацыямi археалагiчнага профiлю, выканаўцам якiх прадастаўлена права на правядзенне археалагiчных даследаванняў. Дадзеная iнфармацыя ўключае ў сябе iлюстраваныя i тэкставыя матэрыялы, якiя распрацоўваюцца на аснове сучасных картаграфiчных матэрыялаў, узгадняюцца дзяржаўнай навуковай установай "Iнстытут гiсторыi Нацыянальнай акадэмii навук Беларусi" i Мiнiстэрствам культуры, пасля чаго зацвярджаюцца дзяржаўнымi органамi землекарыстання.


Палявыя археалагiчныя даследаваннi ў зонах правядзення земляных i будаўнiчых работ


13. Кiраўнiцтва археалагiчнымi разведкамi i раскопкамi ў зоне правядзення ўсiх вiдаў земляных i будаўнiчых работ ажыццяўляецца спецыялiстамi адпаведнай квалiфiкацыi, якая пацверджана пасведчаннем на права выканання навукова-даследчых работ на гiсторыка-культурных каштоўнасцях i кiраўнiцтва распрацоўкай навукова-праектнай дакументацыi на выкананне рэстаўрацыйна-аднаўленчых работ на гiсторыка-культурных каштоўнасцях.

14. Правядзенне археалагiчных даследаванняў ажыццяўляецца на падставе дазволу Мiнiстэрства культуры.


Право Беларуси 2007

карта новых документов

Разное

При полном или частичном использовании материалов сайта ссылка на pravo.levonevsky.org обязательна

© 2006-2017г. www.levonevsky.org

TopList

Законодательство Беларуси и других стран

Законодательство России кодексы, законы, указы (изьранное), постановления, архив


Законодательство Республики Беларусь по дате принятия:

2013 2012 2011 2010 2009 2008 2007 2006 2005 2004 2003 2002 2001 2000 до 2000 года

Защита прав потребителя
ЗОНА - специальный проект

Бюллетень "ПРЕДПРИНИМАТЕЛЬ" - о предпринимателях.



Новые документы




NewsBY.org. News of Belarus

UK Laws - Legal Portal

Legal portal of Belarus

Russian Business

The real estate of Russia

Valery Levaneuski. Personal website of the Belarus politician, the former political prisoner