Приказ Министерства образования Республики Беларусь от 03.06.1998 N 314 "Аб дапаўненнях i зменах, якiя ўносяцца ў Прыкладнае палажэнне аб агульнаадукацыйнай школе, зацверджанае загадам Мiнiстра адукацыi Рэспублiкi Беларусь ад 28.06.1993 г. N 203"
Документ утратил силу
Архив ноябрь 2011 года
<< Назад |
<<< Навигация Содержание
У адпаведнасцi з Канцэпцыяй i Праграмай рэформы агульнаадукацыйнай школы Рэспублiкi Беларусь i ў сувязi з ажыццяўленнем, пачынаючы з 1998 - 1999 навучальнага года, паслядоўнага пераводу агульнаадукацыйнай школы на новы змест адукацыi i 12-гадовы тэрмiн навучання ЗАГАДВАЮ:
1. Зацвердзiць дапаўненнi i змены, якiя ўносяцца ў раздзелы II i III Прыкладнага палажэння аб агульнаадукацыйнай школе (дадаюцца):
2. Галоўнаму ўпраўленню агульнай сярэдняй адукацыi (Фяськоў М.С.):
2.1. У трохдзённы тэрмiн прадставiць зацверджаныя дапаўненнi i змены, якiя уносяцца ў раздзелы II i III Прыкладнага палажэння аб агульнаадукацыйнай школе, у Мiнiстэрства юстыцыi Рэспублiкi Беларусь для дзяржаўнай рэгiстрацыi;
2.2. Да 1 лiпеня 1998 г. давесцi да ведама ўпраўлення i аддзелаў адукацыi, педагагiчных калектываў школ дапаўненнi i змены, якiя ўносяцца ў раздзелы II i III Прыкладнага палажэння аб агульнаадукацыйнай школе, пасля ўнясення iх у Рэестр дзяржаўнай рэгiстрацыi.
3. Упраўленням i аддзелам адукацыi абласных, гарадскiх i раённых выканкамаў, дырэктарам агульнаадукацыйных школ пры арганiзацыi работы школ кiравацца Прыкладным палажэннем аб агульнаадукацыйнай школе з улiкам унесеных у яго тэкст дапаўненняў i змен.
3.1. Галоўнаму ўпраўленню агульнай сярэдняй адукацыi (Фяськоў М.С.), упраўленню па дашкольнаму выхаванню (Карасцялёва Т.М.), Нацыянальнаму iнстытуту адукацыi (Крайко Б.Н.), Навукова-метадычнаму цэнтру вучэбнай кнiгi i сродкаў навучання (Зносенка Г.П.), Рэспублiканскаму цэнтру фiзiчнага выхавання i спорту навучэнцаў i студэнтаў (Гардусенка А.В.), Вылiчальна-аналiтычнаму цэнтру (Лiстапад М.I.), Беларускаму рэспублiканскаму гандлёваму аб'яднанню "Глобус" (Пашкевiч Э.В.) пры распрацоўцы вучэбна-нарматыўнай i школьнай дакументацыi, падрыхтоўцы вучэбнай i метадычнай лiтаратуры, статыстычных формаў справаздач кiравацца Прыкладным палажэннем аб агульнаадукацыйнай школе з улiкам ўнесеных дапаўненняў i змен.
4. Кантроль за выкананнем дадзенага загада ўскласцi на намеснiка мiнiстра Дыляна Г.Д.
Мiнiстр В.I.СТРАЖАЎ
ЗАЦВЕРДЖАНА
загад Мiнiстра адукацыi
Рэспублiкi Беларусь
03.06.1998 г. N 314
УЗГОДНЕННА УЗГОДНЕННА
Мiнiстэрства фiнансаў Мiнiстэрства працы
Рэспублiкi Беларусь Рэспублiкi Беларусь
Намеснiк мiнiстра Намеснiк мiнiстра
А.I.Сверж В.I.Паўлаў
29 мая 1998 г. 27 мая 1998 г.
ДАПАЎНЕННI I ЗМЕНЫ, ЯКIЯ ЎНОСЯЦЦА Ў ПРЫКЛАДНАЕ ПАЛАЖЭННЕ АБ АГУЛЬНААДУКАЦЫЙНАЙ ШКОЛЕ, ЗАЦВЕРДЖАНАЕ ЗАГАДАМ МIНIСТРА АДУКАЦЫI РЭСПУБЛIКI БЕЛАРУСЬ АД 28.06.1993 Г. N 203
Раздзел II. ВIДЫ I СТРУКТУРА ШКОЛЫ.
Пункт 6 выкласцi ў наступнай рэдакцыi:
"Структура школы адпавядае тром узроставым этапам развiцця дзiцяцi: дзяцiнства - I-я ступень (падрыхтоўчы, 1 - 3 (4 <*>)-я класы);
малалецтва - II-я ступень (4 (5 <*>) - 9-я класы);
юнацтва - III-я ступень (10 - 11 (12<*>)-я класы).
Агульнаадукацыйныя школы функцыянiруюць у складзе адной або ў спалучэннi дзвюх цi трох ступеняў - пачатковая школа (падрыхтоўчы, 1 - 3 (4 <*>)-я класы); базавая школа (падрыхтоўчы, 1 - 9-я класы); сярэдняя школа (падрыхтоўчы, 1 - 11 (12 <*>)-я класы)".
Пункт 11 выкласцi ў наступнай рэдакцыi:
"Па прадстаўленнi савета школы, узгодненым з аддзелам адукацыi, рашэннем выканкама мясцовага Савета дэпутатаў падрыхтоўчыя класы як правiла адкрываюцца ў дзiцячых дашкольных установах. У асобных выпадках у дзiцячых дашкольных установах могуць адкрывацца 1-я класы. Навучальны працэс у гэтых класах ажыццяўляецца настаўнiкамi школы.
Падрыхтоўчыя класы адкрываюцца ў школах пры наяўнасцi адпаведных умоў для арганiзацыi вучэбных заняткаў, адпачынку i харчавання дзяцей".
Раздзел III. НАВУЧАЛЬНА-ВЫХАВАЎЧЫ ПРАЦЭС.
Пункт 17 выкласцi ў наступнай рэдакцыi:
"У падрыхтоўчы клас прымаюцца дзецi з 6 гадоў або больш позняга ўзросту з улiкам медыцынскiх паказанняў i жадання бацькоў. Залiчэнне дзяцей у школу афармляецца загадам па школе на падставе заявы бацькоў i медыцынскай даведкi. Прыём дзяцей у падрыхтоўчы клас навучальных устаноў, якiя даюць сярэднюю адукацыю на павышаным узроўнi, ажыццяўляецца ў адпаведнасцi з палажэннямi аб гэтых навучальных установах."
Абзац чацвёрты пункта 18 выкласцi ў наступнай рэдакцыi:
"Працягласць урока ў падрыхтоўчых (1 <*>)-х класах - 35 хвiлiн, у 1 <**> - 11 (12 <*>)-х класах - 45 хвiлiн."
Пункт 19 выкласцi ў наступнай рэдакцыi:
"Колькасць вучняў у падрыхтоўчых класах, якiя працуюць на базе дзiцячых дашкольных устаноў, не павiнна перавышаць 20 чалавек, а ў агульнаадукацыйных школах - 25 чалавек.
Колькасць вучняў у 1 - 3 (4 <*>)-х класах не павiнна перавышаць 25, а ў 4 (5 <*>) - 11 (12 <*>)-х - 30 чалавек.
Напаўняльнасць класаў школы, якая працуе ў сельскай мясцовасцi, пры адсутнасцi на дадзенай тэрыторыi дастатковай колькасцi вучняў вызначаецца аддзелам адукацыi сумесна з выканкамам раённага, сельскага (пасялковага) Савета дэпутатаў."
Абзац другi пункта 21 выкласцi ў наступнай рэдакцыi:
"Савет школы па ўзгадненнi з аддзелам адукацыi можа скласцi ўласны графiк канiкул, якiя праводзяцца на працягу навучальнага года, i вызначыць iх тэрмiны. Для вучняў падрыхтоўчых i 1 (1 - 2 <*>)-х класаў устанаўлiваюцца на працягу года дадатковыя тыднёвыя канiкулы."
Першы сказ першага абзаца пункта 22 выкласцi ў наступнай рэдакцыi:
"У падрыхтоўчым класе i ў першым паўгоддзi першага класа (1-м класе i ў першым паўгоддзi другога класа *) выкарыстоўваецца якасная ацэнка вынiкаў засваення навучальнай праграмы".
Пункт 27 дапоўнiць абзацамi наступнага зместу, якiя лiчыць першым i другiм абзацамi:
"У кожнай агульнаадукацыйнай школе ў 2 (3 <*>)-х - 11 (12 <*>)-х класах вядзецца дзённiк вучня. У дзённiку запiсваюцца бягучыя, падагульняючыя адзнакi паспяховасцi вучняў, заўвагi настаўнiкаў. Дзённiк штотыднёва падпiсваецца класным кiраўнiком i бацькамi вучня. Вядзенне дзённiка адзiн раз у чвэрць (трыместр) правяраецца дырэктарам школы або яго намеснiкамi. Дзённiк захоўваецца ў вучня на працягу навучальнага года.
У агульнаадукацыйных школах рэспублiкi выкарыстоўваецца дзённiк адзiнага ўзору, зацверджаны Мiнiстэрствам адукацыi".
Абзацы 1, 2, 3 пункта 27 лiчыць адпаведна абзацамi 3, 4, 5.
Заўвага:
<*> (лiчба) - нумар класа адзiнаццацiгадовай школы;
<**> маюцца на ўвазе першыя класы, у якiя прыйдуць вучнi з падрыхтоўчых класаў.
Право Беларуси 2009 карта новых документов |