"Дагавор памiж Рэспублiкай Беларусь i Украiнай аб дзяржаўнай гранiцы"
Архив ноябрь 2011 года
<< Назад |
<<< Навигация Содержание
Рэспублiка Беларусь i Украiна, якiя далей называюцца "Дагаворныя Бакi",
зыходзячы з прынцыпаў суверэннай роўнасцi, тэрытарыяльнай цэласнасцi дзяржаў i непарушнасцi гранiц,
кiруючыся мэтамi i прынцыпамi Статута Арганiзацыi Аб'яднаных Нацый, палажэннямi Хельсiнкскага Заключнага акта i iншых дакументаў Арганiзацыi па бяспецы i супрацоўнiцтву ў Еўропе,
грунтуючыся на палажэннях Дагавора аб дружбе, добрасуседстве i супрацоўнiцтве памiж Рэспублiкай Беларусь i Украiнай ад 17 лiпеня 1995 года,
паважаючы волю народаў Рэспублiкi Беларусь i Украiны да далейшага развiцця дружалюбных, добрасуседскiх адносiн,
жадаючы ўсталяваць дзяржаўную гранiцу памiж Рэспублiкай Беларусь i Украiнай,
дамовiлiся аб нiжэйпададзеным:
Артыкул 1
Усталяваць дзяржаўную гранiцу памiж Рэспублiкай Беларусь i Украiнай згодна з дакументамi, што з'яўляюцца неад'емнай часткай гэтага Дагавора:
1. Пратаколам-апiсаннем пралягання лiнii дзяржаўнай гранiцы памiж Рэспублiкай Беларусь i Украiнай.
2. Альбомам тапаграфiчных карт з графiчна нанесенай на iх лiнiяй дзяржаўнай гранiцы.
Артыкул 2
Дзяржаўная гранiца ёсць лiнiя i вертыкальная паверхня, што па гэтай лiнii праходзiць, якiя вызначаюць мяжу тэрыторый Дагаворных Бакоў - сушы, водаў, нетраў, паветранай прасторы.
Артыкул 3
Дэмаркацыя дзяржаўнай гранiцы памiж Дагаворнымi Бакамi ажыццяўляецца Сумеснай камiсiяй.
Сумесная камiсiя праводзiць сваю дзейнасць на падставе Палажэння аб дэмаркацыi дзяржаўнай гранiцы, якое зацвярджаецца ўрадамi Дагаворных Бакоў.
Артыкул 4
Рэжым дзяржаўнай гранiцы памiж Рэспублiкай Беларусь i Украiнай вызначаецца асобным дагаворам.
Парадак карыстання зямельнымi ўчасткамi, якiя размешчаны за лiнiяй дзяржаўнай гранiцы, але знаходзяцца ў карыстаннi суб'ектаў гаспадарання другога Дагаворнага Боку, вызначаецца асобным пагадненнем.
Артыкул 5
Дагаворныя Бакi абменьваюцца тапаграфiчна-геадэзiчнымi звесткамi, картаграфiчнымi i аэрафотаздымнымi матэрыяламi з грыфам "Сакрэтна", неабходнымi для падрыхтоўкi дакументаў дэлiмiтацыi, дэмаркацыi, праверкi пралягання дзяржаўнай гранiцы, i забяспечваюць ахову гэтых даных i матэрыялаў у адпаведнасцi з дзеючымi памiж Дагаворнымi Бакамi пагадненнямi.
Артыкул 6
Выдаткi, звязаныя з дэмаркацыяй дзяржаўнай гранiцы, Дагаворныя Бакi нясуць паасобку.
Артыкул 7
Гэты Дагавор з'яўляецца бестэрмiновым.
Гэты Дагавор падлягае ратыфiкацыi i ўступае ў сiлу з моманту абмену ратыфiкацыйнымi граматамi, якi адбудзецца ў г. Мiнску.
Здзейснена ў г. Кiеве 12 мая 1997 года ў двух экзэмплярах, кожны на беларускай i ўкраiнскай мовах, прычым абодва тэксты аўтэнтычныя.
За Рэспублiку Беларусь За Украiну
Подпiс Подпiс
Право Беларуси 2009 карта новых документов | 
