Приказ Министерства образования Республики Беларусь от 30.12.1995 N 504 "Аб зацвярджэннi Палажэння аб Нацыянальным цэнтры усынаўлення"
Документ утратил силу
Архив ноябрь 2011 года
<< Назад |
<<< Навигация Содержание
У адпаведнасцi з Нацыянальным планам дзеянняў па ахове правоў дзiцяцi на 1995 - 2000 гг., зацверджаным Указам Прэзiдэнта Рэспублiкi Беларусь ад 19 красавiка 1995 г. N 150, пастановай Савета Мiнiстраў Рэспублiкi Беларусь ад 10 мая 1993 г. N 304 "Аб зацвярджэннi прыкладных палажэнняў аб адукацыi i выхаваўчых установах i арганiзацыях сiстэмы адукацыi, узораў дакументаў аб адукацыi" ЗАГАДВАЮ:
1. Зацвердзiць Палажэнне аб Нацыянальным цэнтры ўсынаўлення.
2. Увесцi ў дзеянне вышэйназванае Палажэнне з 1 студзеня 1996 г.
Мiнiстр В.I.СТРАЖАЎ
УЗГОДНЕНА УЗГОДНЕНА ЗАЦВЕРДЖАНА
Намеснiк Намеснiк Загад Мiнiстэрства
Мiнiстра фiнансаў Мiнiстра працы адукацыi i навукi
Рэспублiкi Беларусь Рэспублiкi Беларусь Рэспублiкi Беларусь
А.I.Сверж В.I.Паўлаў 30.12.1995 N 504
ПРЫКЛАДНАЕ ПАЛАЖЭННЕ АБ НАЦЫЯНАЛЬНЫМ ЦЭНТРЫ ЎСЫНАЎЛЕННЯ РЭСПУБЛIКI БЕЛАРУСЬ
1. Нацыянальны цэнтр усынаўлення Рэспублiкi Беларусь <*> - гэта ўстанова адукацыi, якая арганiзуе ўсынаўленне дзяцей-сiрот i дзяцей, якiя засталiся без апекi бацькоў, ажыццяўляе псiхолага-педагагiчную i прававую падрыхтоўку кандыдатаў ва ўсынавiцелi i каардынуе дзейнасць абласных, раённых, гарадскiх органаў аховы дзяцiнства па нацыянальнаму i мiжнароднаму ўсынаўленню дзяцей.
-------------------------------
<*> У далейшым - цэнтр.
2. На цэнтр ускладаюцца наступныя задачы:
2.1. рэалiзацыя права кожнага дзiцяцi згодна з Канвенцыяй ААН i Законам Рэспублiкi Беларусь "Аб правах дзiцяцi" на пражыванне i выхаванне ў сям'i;
2.2. стварэнне банка данных у Рэспублiцы Беларусь на дзяцей, якiя засталiся без апекi бацькоў i могуць быць уладкаваны ў сям'ю праз усынаўленне;
2.3. стварэнне банка даных у Рэспублiцы Беларусь на кандыдатаў ва ўсынавiцелi;
2.4. псiхолага-педагагiчная, медыцынская i прававая падрыхтоўка кандыдатаў ва ўсынавiцелi па пытаннях усынаўлення i выхавання прыёмнага дзiцяцi;
2.5. арганiзацыя i каардынацыя дзейнасцi мясцовых органаў аховы дзяцiнства па нацыянальнаму i мiжнароднаму ўсынаўленню дзяцей-сiрот i дзяцей, якiя засталiся без апекi бацькоў;
2.6. аналiз i кантроль за працэсам адаптацыi дзяцей у прыёмных сем'ях;
2.7. падрыхтоўка i ўнясенне прапаноў Мiнiстэрству адукацыi i навукi, другiм дзяржаўным органам па пытаннях усынаўлення дзяцей у Рэспублiцы Беларусь;
2.8. арганiзацыя супрацоўнiцтва з iншымi краiнамi па пытаннях усынаўлення.
3. Цэнтр арганiзуе сваю дзейнасць у адпаведнасцi з Законам Рэспублiкi Беларусь "Аб правах дзiцяцi", Кодэксам аб шлюбе i сям'i, гэтым Палажэннем, а таксама iншымi заканадаўчымi i нарматыўнымi дакументамi па пытаннях аховы правоў дзяцей.
4. Стварэнне цэнтра ажыццяўляецца Мiнiстэрствам адукацыi i навукi. Рашэнне аб рэарганiзацыi i лiквiдацыi цэнтра прымаецца Мiнiстэрствам адукацыi i навукi, а ў выпадках, якiя прадугледжаны заканадаўствам, - i гаспадарчым судом.
5. Цэнтр знаходзiцца ў падпарадкаваннi Мiнiстэрства адукацыi i навукi, якое ажыццяўляе яго фiнансава-матэрыяльнае забеспячэнне.
6. Кiраўнiцтва цэнтрам ажыццяўляе дырэктар, якi прызначаецца Мiнiстэрствам адукацыi i навукi з лiку асоб, якiя маюць педагагiчную цi юрыдычную адукацыю, адпаведную педагагiчную i юрыдычную падрыхтоўку, стаж работы па спецыяльнасцi (педагагiчнай або юрыдычнай) не менш за 5 гадоў.
7. Дырэктар цэнтра мае права:
- вырашаць ва ўстаноўленым парадку ўсе пытаннi дзейнасцi цэнтра;
- дзейнiчаць без даверанасцi ад iмя цэнтра, прадстаўляць яго iнтарэсы ва ўсiх арганiзацыях i ўстановах, заключаць дагаворы i распараджацца маёмасцю, сродкамi ў адпаведнасцi з заканадаўствам, выдаваць загады i распараджэннi, якiя абавязковыя для ўсiх супрацоўнiкаў цэнтра;
- вызначаць штатны расклад i структуру цэнтра, якiя ўзгадняюцца з Мiнiстэрствам адукацыi i навукi, устанаўлiваць надбаўкi да службовых акладаў i ажыццяўляць прэмiраванне за творчыя дасягненнi ў працы ў адпаведнасцi з заканадаўствам;
- прымаць на работу i звальняць ва ўстаноўленым парадку супрацоўнiкаў цэнтра;
- атрымлiваць ад мясцовых органаў аховы дзяцiнства, дзiцячых iнтэрнатных i лячэбна-прафiлактычных устаноў iнфармацыю аб дзецях, якiя засталiся без апекi бацькоў i падлягаюць усынаўленню;
- заключаць дагаворы на аказанне цэнтрам паслуг грамадзянам, прадпрыемствам, арганiзацыям, установам;
- на матэрыяльнае i маральнае заахвочванне за паспяховыя вынiкi дзейнасцi.
8. Дырэктар абавязаны:
- забяспечыць вырашэнне калектывам цэнтра задач, якiя вызначаны пунктам 2;
- разам з калектывам стварыць спрыяльныя ўмовы для творчай работы яго супрацоўнiкаў i жыццядзейнасцi цэнтра, забяспечыць фiнансаванне яго работы;
- ажыццяўляць кантроль за ходам i вынiкамi дзейнасцi падраздзяленняў i супрацоўнiкаў цэнтра, захаваннем патрабаванняў заканадаўства па ахове дзяцiнства и працы;
- выконваць загады i распараджэннi Мiнiстэрства адукацыi i навукi;
- пастаянна павышаць свой тэарэтычны ўзровень па псiхолога-педагагiчных i юрыдычных пытаннях аховы правоў дзяцей.
9. Для арганiзацыi ўсынаўлення дзяцей у штат центра ўводзяцца iнспектары па ахове дзяцiнства, юрысты, педагогi-дэфектолагi, псiхолагi, урачы. Iнспектары па ахове дзяцiнства ўводзяцца з разлiку 1 пасады на 300 дзяцей-сiрот i дзяцей, якiя засталiся без апекi бацькоў.
10. Iнспектар па ахове дзяцiнства прызначаецца з лiку асоб, якiя маюць вышэйшую педагагiчную або юрыдычную адукацыю i адпаведную педагагiчную i юрыдычную падрыхтоўку.
11. Мясцовыя органы аховы дзяцiнства, дзiцячыя iнтэрнатныя i лячэбна-прафiлактычныя ўстановы ў сямiдзённы тэрмiн прадстаўляюць у цэнтр iнфармацыю аб дзецях, якiя засталiся без апекi бацькоў i могуць быць уладкаваны ў сям'ю праз усынаўленне. Цэнтр стварае банк даных у Рэспублiцы Беларусь на дзяцей, якiя падлягаюць усынаўленню, i кандыдатаў ва ўсынавiцелi.
12. Цэнтр праз сродкi масавай iнфармацыi, выпускi спецыяльных бюлетэняў i iншымi спосабамi арганiзуе шырокае iнфармаванне насельнiцтва аб дзецях, якiя засталiся без апекi бацькоў i падлягаюць усынаўленню. Цэнтр таксама ўзаемадзейнiчае з мясцовымi органамi аховы дзяцiнства па пошуку сем'яў для ўсынаўлення дзяцей.
13. Усе кандыдаты ва ўсынавiцелi праходзяць у цэнтры абавязковую падрыхтоўку па псiхолага-педагагiчных, прававых, медыцынскiх пытаннях усынаўлення i выхавання прыёмнага дзiцяцi па вучэбных планах, якiя распрацоўваюцца цэнтрам i ўзгадняюцца з Мiнiстэрствам адукацыi i навукi Рэспублiкi Беларусь.
14. Цэнтр вызначае псiхалагiчную сумяшчальнасць дзiцяцi i яго будучых прыёмных бацькоў, арганiзуе пры неабходнасцi дадатковае абследаванне стану здароўя дзiцяцi, узроўню яго псiхiчнага i фiзiчнага развiцця.
15. Пасля завяршэння падбору дзiцяцi для ўсынаўлення i кандыдатаў ва ўсынавiцелi цэнтр аказвае садзеянне кандыдатам ва ўсынавiцелi ў падрыхтоўцы дакументаў, рыхтуе заключэнне аб мэтазгоднасцi гэтага ўсынаўлення i накiроўвае яго мясцоваму органу аховы дзяцiнства для прадстаўлення дакументаў у райгарвыканкам i прыняцця рашэння аб усынаўленнi.
16. Спрэчныя пытаннi, якiя ўзнiкаюць пры вырашэннi ўсынаўлення памiж цэнтрам i мясцовымi органамi аховы дзяцiнства, вырашаюцца Мiнiстэрствам адукацыi i навукi.
17. Сумесна з мясцовымi органамi аховы дзяцiнства i самастойна цэнтр аналiзуе i кантралюе ход адаптацыi ўсыноўленых дзяцей у прыёмных сем'ях.
18. Цэнтр стварае банк даных на дзяцей, якiя могуць прапаноўвацца для мiжнароднага ўсынаўлення, супрацоўнiчае з органамi i арганiзацыямi iншых краiн, замежнымi грамадзянамi ў падборы кандыдатаў ва ўсынавiцелi гэтых дзяцей, рыхтуе дакументы i праект заключэння для разгляду iх у Мiнiстэрстве адукацыi i навукi.
19. Цэнтр рыхтуе дакументы для iнфармавання дыпламатычных прадстаўнiцтваў i консульскiх устаноў Рэспублiкi Беларусь за мяжой аб усынаўленнi дзяцей - грамадзян Рэспублiкi Беларусь замежнымi грамадзянамi i прадстаўляе iх у Мiнiстэрства адукацыi i навукi.
20. Цэнтр арганiзуе i кантралюе атрыманне ад кампетэнтных органаў i арганiзацый iншых краiн iнфармацыi аб ходзе адаптацыi дзяцей у прыёмных сем'ях, аналiзуе iх i двойчы у год (1 жнiўня i 1 лютага) iнфармуе аб гэтым Мiнiстэрства адукацыi i навукi.
21. Цэнтр з'яўляецца юрыдычнай асобай, мае пячатку з выявай Дзяржаўнага герба Рэспублiкi Беларусь, самастойны разлiковы i iншыя рахункi ў банках.
22. На падставе гэтага Палажэння Цэнтр распрацоўвае свой Статут, якi зацвярджаецца Мiнiстэрствам адукацыi i навукi.
Право Беларуси 2007 карта новых документов |