"Пагадненне аб супрацоўнiцтве памiж Дзяржаўнай архiўнай службай Рэспублiкi Малдова i Камiтэтам па архiвах i справаводству Рэспублiкi Беларусь"
Архив ноябрь 2011 года
<< Назад |
<<< Навигация Содержание
--------------------------------
<*> Набыло моц 3 лiстапада 1994 года.
У адпаведнасцi з пагадненнямi аб стварэннi Садружнасцi Незалежных Дзяржаў, а таксама
ўлiчваючы, што развiццё дружбы i ўзаемавыгаднага супрацоўнiцтва памiж народамi Малдовы i Беларусi павiнна грунтавацца на ўзаемным веданнi i павазе iх гiсторыi i культуры, што прадугледжвае вывучэнне i выкарыстанне дакументаў, захоўваемых у архiвах абедзвюх дзяржаў,
зыходзячы з узаемнага iмкнення да далейшага развiцця дружбы i супрацоўнiцтва памiж архiўнымi ўстановамi абедзвюх дзяржаў, а таксама ў цэлым навуковых i культурных сувязей памiж народамi Малдовы i Беларусi,
Дзяржаўная архiўная служба Рэспублiкi Малдова i Камiтэт па архiвах i справаводству Рэспублiкi Беларусь, называемыя ў далейшым Бакамi, дамовiлiся аб наступным:
Артыкул 1
Бакi будуць развiваць супрацоўнiцтва на аснове раўнапраўнасцi i ўзаемнасцi, з прытрымлiваннем заканадаўства абедзвюх дзяржаў i мiжнародных пагадненняў, падпiсаных Рэспублiкай Малдова i Рэспублiкай Беларусь.
Артыкул 2
Бакi будуць развiваць абмен вопытам работы памiж архiўнымi ўстановамi па цiкавячых iх напрамках.
У гэтых мэтах Бакi будуць абменьвацца iнфармацыяй аб рабоце архiўных устаноў па ўзнiкаючых праблемах архiўнай справы i ажыццяўляць абмены спецыялiстамi-архiвiстамi на ўзаемнай аснове.
Канкрэтныя мэты i ўмовы гэтых абменаў вызначаюцца па дамоўленасцi памiж адпаведнымi архiўнымi ўстановамi Бакоў.
Артыкул 3
Кожны з дагаворных Бакоў будзе перадаваць другому Боку пералiкi даведачных матэрыялаў па архiўных дакументах, апублiкаваных на працягу года.
Кожны з Бакоў можа запытаць у другога Боку цiкавячыя яго даведачныя матэрыялы.
Артыкул 4
Бакi будуць ажыццяўляць сумесныя публiкацыi i арганiзоўваць выставы архiўных дакументаў па ўзгодненай тэматыцы.
Артыкул 5
Бакi будуць абменьвацца заканадаўчымi i нарматыўнымi дакументамi па арганiзацыi работы архiўных устаноў, а таксама навукова-метадычнай лiтаратурай па архiўнай справе, археаграфii, дакументазнаўству.
Артыкул 6
Бакi будуць узаемадзейнiчаць у выяўленнi няпрофiльных дакументаў па гiсторыi Малдовы i Беларусi, якiя захоўваюцца ў архiвах другога Боку. Кожны з Бакоў мае права доступу да такiх дакументаў i атрымання неабходных копiй. Абмен копiямi ажыццяўляецца на парытэтных умовах. Пытаннi вяртання такiх дакументаў вырашаюцца шляхам перагавораў на основе дзейнiчаючых заканадаўчых норм.
Артыкул 7
Кожны з Бакоў будзе аказваць садзейнiчанне даследчыкам другога Боку ў рабоце ў яго архiвах. Даследчыкi будуць атрымлiваць доступ да iснуючых дакументаў i даведачных матэрыялаў па тэматыцы iх даследаванняў.
Артыкул 8
Бакi будуць аказваць садзейнiчанне адзiн аднаму ў выкананнi сацыяльна-прававых i тэматычных запытаў грамадзян i ўстаноў другога Боку. Частка запытаў адпаведна ўзгодненаму пералiку будзе выканана бясплатна. Адказы на iншыя запыты будуць ажыццяўляцца Бакамi па расцэнках, якiя iснуюць у архiвах кожнага з Бакоў.
Артыкул 9
Супрацоўнiцтва ў рамках дадзенага Пагаднення не будзе перашкаджаць iншым формам спецыялiзаваных кантактаў у галiне архiўнай справы, ажыццяўляемых па ўзаемнаму пагадненню Бакоў.
Артыкул 10
Сапраўднае Пагадненне ўступае ў сiлу з дня яго падпiсання i будзе дзейнiчаць на працягу 10 гадоў.
Пагадненне можа быць дапоўнена, зменена або прадоўжана па ўзаемнай згодзе Бакоў.
Пагадненне будзе аўтаматычна прадаўжацца на наступныя пяцiгадовыя перыяды, калi нi адзiн з Бакоў не паведамiць у пiсьмовай форме другi Бок аб сваiм намеры спынiць яго дзеянне не менш чым за шэсць месяцаў да заканчэння адпаведнага перыяду.
Пагадненне састаўлена ў двух экзэмплярах, кожны на румынскай i беларускай мовах, маючых аднолькавую юрыдычную сiлу, i падпiсана ў г. Кiеве 3 лiстапада 1994 г.
За Камiтэт па архiвах i справаводству За Дзяржаўную архiўную службу
Рэспублiкi Беларусь Рэспублiкi Малдова
Подпiс Подпiс
Право Украины 2009 (Письмо) карта новых документов | 
