Леваневский Валерий Законодательство Беларуси 2011 год
Загрузить Adobe Flash Player

  Главная

  Законодательство РБ

  Кодексы Беларуси

  Законодательные и нормативные акты по дате принятия

  Законодательные и нормативные акты принятые различными органами власти

  Законодательные и нормативные акты по темам

  Законодательные и нормативные акты по виду документы

  Международное право в Беларуси

  Законодательство СССР

  Законы других стран

  Кодексы

  Законодательство РФ

  Право Украины

  Полезные ресурсы

  Контакты

  Новости сайта

  Поиск документа


Полезные ресурсы

- Таможенный кодекс таможенного союза

- Каталог предприятий и организаций СНГ

- Законодательство Республики Беларусь по темам

- Законодательство Республики Беларусь по дате принятия

- Законодательство Республики Беларусь по органу принятия

- Законы Республики Беларусь

- Новости законодательства Беларуси

- Тюрьмы Беларуси

- Законодательство России

- Деловая Украина

- Автомобильный портал

- The legislation of the Great Britain


Правовые новости





"Дагавор аб дружалюбных адносiнах i супрацоўнiцтве памiж Рэспублiкай Беларусь i Рэспублiкай Малдова"

Архив ноябрь 2011 года

<< Назад | <<< Навигация

Содержание


--------------------------------

<*> Уступiў у сiлу 10 жнiўня 1994 года.


Рэспублiка Беларусь i Рэспублiка Малдова, якiя далей называюцца "Дагаворныя Бакi",

кiруючыся мэтамi i прынцыпамi Статута Арганiзацыi Аб'яднаных Нацый,

грунтуючыся на палажэннях Заключнага акта Нарады па бяспецы i супрацоўнiцтву ў Еўропе, Парыжскай хартыi для новай Еўропы i iншых дакументаў Нарады па бяспецы i супрацоўнiцту ў Еўропе,

усведамляючы сваю адказнасць за ўмацаванне мiру i бяспекi i развiццё супрацоўнiцтва ў Еўропе на падставе агульначалавечых каштоўнасцей свабоды, дэмакратыi, павагi да правоў чалавека,

прымаючы да ўвагi значэнне двухбаковых адносiн для ўмацавання даверу i супрацоўнiцтва ў рэгiёне i на кантыненце ўвогуле,

выяўляючы рашучасць унесцi свой уклад у развiццё працэсу Нарады па бяспецы i супрацоўнiцтве ў Еўропе, у стварэнне адзiнай еўрапейскай эканамiчнай, палiтычнай, гуманiтарнай, экалагiчнай i прававой прасторы,

iмкнучыся да ўмацавання i пашырэння дружалюбных адносiн i супрацоўнiцтва памiж Рэспублiкай Беларусь i Рэспублiкай Малдова, а таксама да развiцця ўзаемаразумення памiж iх народамi,

дамовiлiся аб наступным:


Артыкул 1


Дагаворныя Бакi будуюць свае адносiны як дружалюбныя дзяржавы на падставе прынцыпаў роўнапраўя, павагi да суверэнiтэту i тэрытарыяльнай цэласнасцi дзяржаў, неўмяшання ва ўнутраныя справы, права народаў на самавызначэнне, узаемаразумення i ўзаемавыгаднага супрацоўнiцтва, а таксама добрасумленнага выканання абавязацельстваў па мiжнародным праве.


Артыкул 2

Дагаворныя Бакi будуць прыкладаць намаганнi для павышэння ролi Арганiзацыi Аб'яднаных Нацый у сусветных справах.


Артыкул 3

Дагаворныя Бакi абавязваюцца ўмацоўваць еўрапейскiя механiзмы забеспячэння бяспекi, стабiльнасцi i супрацоўнiцтва на падставе Заключнага акта Нарады па бяспецы i супрацоўнiцтве ў Еўропе, Парыжскай хартыi для новай Еўропы, другiх дакументаў Нарады па бяспецы i супрацоўнiцтве ў Еўропе, а таксама Дагавора аб звычайных узброеных сiлах у Еўропе.


Артыкул 4

Дагаворныя Бакi будуць садзейнiчаць працягванню працэса раззбраення ў галiне ядзерных, хiмiчных i iншых вiдаў зброi масавага знiшчэння i звычайных узбраенняў. Яны будуць садзейнiчаць далейшаму абмежаванню ўзброеных сiл i ўзбраенняў у Еўропе i ажыццяўляць меры па ўмацаваннi даверу i бяспекi ў ваеннай галiне.


Артыкул 5

Дагаворныя Бакi пацвярджаюць недапушчальнасць выкарыстання сiлы або пагрозы сiлай у мiжнародных адносiнах i адхiляюць любыя дзеяннi, накiраваныя супраць тэрытарыяльнай цэласнасцi i палiтычнай незалежнасцi любой дзяржавы, супраць ажыццяўлення права народаў распараджацца сваiм лёсам, а таксама якiм-небудзь iншым чынам несумяшчальныя з мэтамi i прынцыпамi Статута Арганiзацыi Аб'яднаных Нацый i Заключным актам Нарады па бяспецы i супрацоўнiцтве ў Еўропе.


Артыкул 6

Дагаворныя Бакi прызнаюць неабходнасць мiрнага ўрэгулявання спрэчак у адпаведнасцi са Статутам Арганiзацыi Аб'яднаных Нацый i будуць актыўна падтрымлiваць адпаведныя механiзмы Арганiзацыi Аб'яднаных Нацый i Нарады па бяспецы i супрацоўнiцтве ў Еўропе.


Артыкул 7

Дагаворныя Бакi будуць развiваць рэгулярныя кантакты на ўсiх узроўнях памiж органамi дзяржаўнай улады i кiравання. Яны прыдаюць асаблiвае значэнне ўзаемным мiжпарламенцкiм сувязям.

Дагаворныя Бакi будуць супрацоўнiчаць на мiжнародным узроўнi i кансультавацца па мiжнародных пытаннях, якiя прадстаўляюць iнтарэс для абедзвюх дзяржаў, i, у прыватнасцi, па пытаннях бяспекi i супрацоўнiцтва ў Еўропе.


Артыкул 8

Дагаворныя Бакi будуць заахвочваць развiццё i дыверсiфiкацыю двухбаковых эканамiчных адносiн, заснаваных на прынцыпах роўнасцi, партнёрства i ўзаемнай выгады.

Яны будуць, у прыватнасцi, ствараць спрыяльныя ўмовы для развiцця сучасных форм гандлёвага абмену, прамысловага i навукова-тэхнiчнага супрацоўнiцтва, а таксама для ажыццяўлення непасрэдных сувязей памiж прадпрыемствамi i другiмi эканамiчнымi суб'ектамi.

Дагаворныя Бакi будуць развiваць i ўдасканальваць прававую аснову двухбаковага гандлёва-эканамiчнага i навукова-тэхнiчнага супрацоўнiцтва.


Артыкул 9

Дагаворныя Бакi будуць развiваць супрацоўнiцтва ў галiне кiравання сiстэмамi энергетыкi, транспарту, сувязi i iнфарматыкi, уключаючы спутнiкавую сувязь i тэлекамунiкацыi.

Дагаворныя Бакi будуць забяспечваць транзiтныя аперацыi праз транспартныя сеткi, якiя пралягаюць па iх тэрыторыях.

Дагаворныя Бакi будуць садзейнiчаць прыняццю мер для спрашчэння мытнага кантролю, а таксама афармлення пасажырскiх перавозак.


Артыкул 10

Дагаворныя Бакi лiчаць, што прававы рэжым дзяржаўнай маёмасцi аднаго з Дагаворных Бакоў, якая знаходзiцца на тэрыторыi другога Дагаворнага Боку, рэгулюецца заканадаўствам Боку месцазнаходжання маёмасцi i нормамi мiжнароднага права. Па гэтым пытаннi будзе заключана адпаведнае двухбаковае пагадненне.


Артыкул 11

Дагаворныя Бакi будуць цесна супрацоўнiчаць памiж сабой у галiне аховы навакольнага асяроддзя i рацыянальнага выкарыстання прыродных рэсурсаў, а таксама актыўна ўдзельнiчаць у вырашэннi глабальных i асаблiва еўрапейскiх экалагiчных праблем.

Усведамляючы маштабы катастрофы нз Чарнобыльскай АЭС, Дагаворныя Бакi лiчаць, што для мiнiмiзацыi яе вынiкаў неабходны намаганнi ўсёй мiжнароднай супольнасцi, у тым лiку адпаведныя захады з боку Арганiзацыi Аб'яднаных Нацый.


Артыкул 12

Дагаворныя Бакi будуць развiваць супрацоўнiцтва ў сферы культуры, навукi, адукацыi i iнфармацыi, а таксама абмены ў гэтых галiнах. З гэтай мэтай яны будуць заахвочваць пашырэнне непасрэдных сувязей памiж дзяржаўнымi органамi, культурнымi i навуковымi ўстановамi, грамадскiмi арганiзацыямi, творчымi i прафесiйнымi саюзамi.

Яны будуць супрацоўнiчаць у вырашэннi гуманiтарных праблем i спрыяць узаемным кантактам памiж iх грамадзянамi, а таксама развiваць маладзёжныя абмены.


Артыкул 13

Дагаворныя Бакi будуць пашыраць i паглыбляць сувязi памiж iх народамi ў галiне культуры i мастацтва, а таксама заахвочваць сумесныя iнiцыятывы ў гэтай сферы.

Дагаворныя Бакi будуць развiваць супрацоўнiцтва ў галiне аудыявiзуальных сродкаў, кiнематаграфii, кнiгавыдавецтва, тэатра, музыкi, выяўленчага мастацтва.


Артыкул 14

Дагаворныя Бакi будуць супрацоўнiчаць у галiне аховы здароўя, сацыяльнага забеспячэння, турызму, спорту, а таксама занятасцi насельнiцтва i будуць ствараць для гэтага ўсе неабходныя ўмовы.


Артыкул 15

Дагаворныя Бакi будуць развiваць супрацоўнiцтва i ажыццяўляць абмен вопытам i iнфармацыяй у справе барацьбы з правапарушэннямi, у тым лiку з арганiзаванай злачыннасцю, тэрарызмам, незаконным гандлем наркотыкамi, зброяй i культурнымi каштоўнасцямi, эканамiчнымi злачынствамi, незаконнымi актамi, накiраванымi супраць бяспекi грамадзянскай авiяцыi i марскога суднаходства, i кантрабандай.

Дагаворныя Бакi будуць супрацоўнiчаць у галiне ўзаемнай прававой дапамогi па грамадзянскiх, крымiнальных i сямейных справах, а таксама ў галiне консульскiх адносiн, заключыўшы па гэтых пытаннях асобныя пагадненнi.


Артыкул 16

Дагаворныя Бакi заключаць памiж сабой iншыя дагаворы i пагадненнi, неабходныя для рэалiзацыi палажэнняў гэтага Дагавора.


Артыкул 17

Спрэчкi адносна тлумачэння i прымянення палажэнняў гэтага Дагавора падлягаюць вырашэнню шляхам перагавораў.


Артыкул 18

Гэты Дагавор не накiраваны супраць якой-небудзь iншай дзяржавы i не закранае правоў i абавязацельстваў Дагаворных Бакоў, якiя вынiкаюць з iншых мiжнародных дагавораў, удзельнiкамi якiх яны з'яўляюцца.


Артыкул 19

Гэты Дагавор падлягае ратыфiкацыi i ўступае ў сiлу ў дзень абмену ратыфiкацыйнымi граматамi, якi адбудзецца ў Мiнску.


Артыкул 20

Гэты Дагавор заключаецца тэрмiнам на дзесяць гадоў.

Дзеянне Дагавора будзе аўтаматычна прадоўжана на наступны пяцiгадовы перыяд, калi нi адзiн з Дагаворных Бакоў не заявiць шляхам пiсьмовага паведамлення аб сваiм жаданнi дэнансаваць яго не пазней чым за адзiн год да сканчэння тэрмiну дзеяння гэтага Дагавора.


Артыкул 21

Гэты Дагавор падлягае рэгiстрацыi ў Сакратарыяце Арганiзацыi Аб'яднаных Нацый у адпаведнасцi з артыкулам 102 Статута Арганiзацыi Аб'яднаных Нацый.


Аформлена ў г. Кiшынёве 21 снежня 1992 года ў двух зкзэмплярах, кожны на беларускай i румынскай мовах, прычым абодва тэксты маюць аднолькавую сiлу.


За Рэспублiку Беларусь                                За Рэспублiку Малдова
         Подпiс                                                Подпiс

Кодексы России 2009

карта новых документов

Разное

При полном или частичном использовании материалов сайта ссылка на pravo.levonevsky.org обязательна

© 2006-2017г. www.levonevsky.org

TopList

Законодательство Беларуси и других стран

Законодательство России кодексы, законы, указы (изьранное), постановления, архив


Законодательство Республики Беларусь по дате принятия:

2013 2012 2011 2010 2009 2008 2007 2006 2005 2004 2003 2002 2001 2000 до 2000 года

Защита прав потребителя
ЗОНА - специальный проект

Бюллетень "ПРЕДПРИНИМАТЕЛЬ" - о предпринимателях.



Новые документы




NewsBY.org. News of Belarus

UK Laws - Legal Portal

Legal portal of Belarus

Russian Business

The real estate of Russia

Valery Levaneuski. Personal website of the Belarus politician, the former political prisoner